మాట‌ల మాంత్రికుడు త్రివిక్ర‌మ్ శ్రీనివాస్‌ దర్శకత్వంలో స్టైలిష్ స్టార్ అల్లు అర్జున్ 19వ సినిమా తెరకెక్కుతున్న సంగ‌తి తెలిసిందే. హారికా హాసినీ, గీతా ఆర్ట్స్ సంస్థ‌లు సంయుక్తంగా నిర్మిస్తున్న ఈ చిత్రంలో పూజా హెగ్డే క‌థానాయిక‌గా న‌టిస్తోంది. ఎస్ఎస్ థ‌మ‌న్ సంగీతం అందిస్తున్నాడు. వ‌చ్చే సంక్రాంతికి ఈ సినిమా ప్రేక్ష‌కుల ముందుకు రాబోతోంది. ఈ సినిమాకు “అల‌క‌నంద” అనే టైటిల్ అనుకుంటున్న‌ట్టు సమాచారం. ఫ్యామిలీ ఓరియెంటెడ్ మూవీగా రూపొందుతున్న ఈ చిత్రంలో సుశాంత్‌, నివేదా పేతురాజ్ కీలక పాత్ర‌లో న‌టిస్తున్నారు. ఏఏ19గా తెరకెక్కుతున్న ఈ చిత్ర టైటిల్‌ను ఆగస్ట్ 15న రివీల్ చేయబోతున్నట్లుగా చిత్రయూనిట్ ప్రకటించింది. ఇప్పటికే పలు పేర్లు ఈ సినిమాకి వినిపించిన తరుణంలో యూనిట్ ఏం టైటిల్ ప్రకటిస్తారో.. అని అంతా ఆసక్తిగా ఎదురుచూస్తున్నారు. అయితే ఏఏ19 అప్‌డేట్ కోసం ఎదురు చూస్తున్న అభిమానులకు ఇది నిజంగా సూపర్బ్ ట్రీటే. ఇక ఈ సినిమాలో అల్లు అర్జున్ రెండు విభిన్న పాత్రలలో నటిస్తున్నాడని సమాచారం. 40 ఇయర్స్ ప్లస్ ఏజ్‌లో ఫస్ట్ టైమ్ అల్లు అర్జున్ ఈ చిత్రంలో నటిస్తున్నాడని, ఆ పాత్ర ఈ సినిమాకి ఎంతో కీలకం అని టాక్ నడుస్తోంది.
ఆగస్ట్ 15న అల్లు అర్జున్ అభిమానులకు ట్రీట్
