నాగ చైతన్య, తమన్నా ప్రధాన పాత్రలలో సుకుమార్ తెరకెక్కించిన చిత్రం “100% లవ్”. ఈ సినిమా బాక్సాఫీస్ వద్ద మంచి విజయాన్ని సాధించింది. తమిళంలో తన శిష్యుడైన చంద్రమౌళితో ఈ సినిమా రీమేక్ చేస్తున్నాడు సుక్కూ. తమిళ వర్షెన్ లో జీవి ప్రకాశ్ కుమార్, షాలిని పాండే ప్రధాన పాత్రలుగా ఈ చిత్రం రూపొందుతున్న ఈ చిత్రానికి “100% కాదల్” అనే టైటిల్ ఫిక్స్ చేశారు. ఈ చిత్ర ట్రైలర్ తాజాగా విడుదలైంది. ఇందులో సన్నివేశాలు అచ్చం తెలుగు వర్షెన్కి సంబంధించినట్టే ఉండగా,అక్కడ కూడా ఈ సినిమా మంచి విజయం సాధించనుందని టీం భావిస్తుంది. చిత్రానికి జీవి ప్రకాశ్ కుమార్ సంగీతం అందిస్తున్నాడు. అయితే చిత్రం ఎప్పుడో సెట్స్ పైకి వెళ్లినప్పటికి పలు సమస్యల వలన రిలీజ్ వాయిదా పడుతూ వస్తుంది. గత ఏడాది సెప్టెంబర్లో చిత్ర టీజర్ విడుదల చేసిన టీం మళ్లీ ఈ ఏడాది సెప్టెంబర్లో ట్రైలర్ రిలీజ్ చేశారు. చిత్రం రిలీజ్ తేది వివరాలు త్వరలోనే ప్రకటిస్తామని చిత్రబృందం తెలిపింది. మీరు కూడా ఈ ట్రైలర్ ను వీక్షించండి.
previous post