పవన్ కళ్యాణ్ ‘వకీల్ సాబ్’ సినిమాపై అంచనాలు భారీగా వున్నాయి. వేణు శ్రీరామ్ దర్శత్వంలో రూపొందుతున్న వకీల్ సాబ్ మూవీ ఇప్పటికే 80 శాతం షూటింగ్ ఫినిష్ చేసుకుంది. ఈ చిత్రంలో అంజలి, నివేత థామస్, శృతి హాసన్ హీరోయిన్లుగా నటిస్తున్నారు. ఇందులో పవన్ కళ్యాణ్ లాయర్ పాత్రలో కనిపించనున్నారు. హిందీలో హిట్టయిన ‘పింక్’ సినిమా ఆధారంగా తెరకెక్కుతున్న ఈ చిత్రాన్ని దిల్ రాజు, బోనీ కపూర్ కలసి నిర్మిస్తున్నారు. వచ్చే సంక్రాంతికి విడుదల కానున్న ఈ చిత్రానికి ప్రముఖ సంగీత దర్శకుడు తమన్ మ్యూజిక్ ఇస్తున్నాడు. ఈ చిత్రం షూటింగ్ చాలా భాగం లాక్ డౌన్ కి ముందు జరిగిన షెడ్యూల్ లో పూర్తయింది. లాక్ డౌన్ కారణంగా గత ఆరు నెలలుగా ఆగిపోయిన ఈ చిత్రం షూటింగ్ ఇటీవలే హైదరాబాదులో మొదలైంది. ప్రస్తుతం పవన్ లేని సన్నివేశాలను ఇతర నటీనటులపై చిత్రీకరిస్తున్నారు. ఈ క్రమంలో ఈ చిత్రంలో ఓ ముఖ్య పాత్ర పోషిస్తున్న కథానాయిక నివేత థామస్ కూడా తాజాగా ఈ చిత్రం షూటింగులో జాయిన్ అయింది. ఈ విషయాన్ని నివేత సోషల్ మీడియాలో వెల్లడించింది. “తిరిగి షూటింగుకి రావడం బాగుంది” అంటూ నివేత పోస్ట్ పెట్టింది. పవన్ కూడా త్వరలోనే ఈ చిత్రం షూట్ లో పాల్గొంటారని తెలుస్తోంది.
‘వకీల్ సాబ్’ షూటింగ్ లో పాల్గొంటున్న హీరోయిన్
