ఏడేళ్ళ తరువాత మరోసారి ఆ హీరోతో కాజల్

అందాల చందమామ కాజ‌ల్‌ అగర్వాల్ దాదాపు ఏడేళ్ళ క్రితం త‌మిళ స్టార్ హీరో సూర్య సరసన హీరోయిన్ గా నటించింది. ఇన్నేళ్ల తరువాత మరోసారి ఈ ముద్దుగుమ్మ సూర్యతో జతకట్టనుందని తెలుస్తోంది. 2012లో “మాట్ర‌న్” అనే సినిమాతో ప్రేక్ష‌కుల ముందుకు వ‌చ్చారు ఈ జంట. తెలుగులో ఈ చిత్రం “బ్ర‌ద‌ర్స్” పేరుతో విడుద‌లైంది. ఈ చిత్రం ప్రేక్షకులను అంతగా ఆకట్టుకోలేకపోయింది. ఈ సినిమా త‌ర్వాత కాజ‌ల్‌, సూర్య మ‌ళ్ళీ క‌లిసి ఏ సినిమా చేయ‌లేదు. అయితే కోలీవుడ్ స‌మాచారం ప్ర‌కారం సూర్య 39వ చిత్రంలో కాజ‌ల్ అగ‌ర్వాల్ క‌థానాయిక‌గా ఎంపికైంద‌ట‌. త్వ‌రలోనే దీనికి సంబంధించి అఫీషియ‌ల్ ప్ర‌క‌ట‌న కూడా రానుంద‌ని చెబుతున్నారు. విశ్వాసం ఫేమ్ శివ ద‌ర్శ‌క‌త్వంలో స్టూడియో గ్రీన్ బేన‌ర్‌పై ఈ చిత్రం నిర్మితం కానుంది. కాజ‌ల్ ప్ర‌స్తుతం తెలుగు, త‌మిళ ప్రాజెక్టుల‌తో బిజీగా ఉంది. “కోమ‌లి” అనే త‌మిళ చిత్రంతో మంచి హిట్ కొట్టిన కాజ‌ల్ రీసెంట్‌గా “ర‌ణ‌రంగం” చిత్రంతో తెలుగు ప్రేక్ష‌కుల‌ ముందుకు వచ్చింది.