బాలీవుడ్ నటుడు సంజయ్ దత్ ప్రధాన పాత్రలో నటిస్తోన్న చిత్రం ‘”ప్రస్థానం”. తెలుగులో సూపర్ హిట్ గా నిలిచిన “ప్రస్థానం” చిత్రానికి ఇది రీమేక్.. కాగా సాయికుమార్ పోషించిన పాత్రను సంజయ్ దత్ పోషిస్తున్నాడు. ఈ సినిమాలో జాకీష్రాఫ్, అలీ ఫజల్, చుంకీపాండే, అమైరా దస్తూర్ , సత్యజీత్ దూబె, మనీషా కొయిరాలా కీలక పాత్రల్లో నటిస్తున్నారు. దేవాకట్టా దర్శకత్వం వహిస్తోన్న “ప్రస్థానం” ట్రైలర్ విడుదలైంది. ఈ ట్రైలర్ లో “తాతయ్య ఎవరినైనా చంపడం అంత తప్పా అని ఓ పిల్లాడు అడగ్గా… “చాలా తప్పు అంటూ సంజయ్ దత్ సమాధానం ఇస్తాడు. మరి రావణుడిని రాముడు ఎందుకు చంపాడని ప్రశ్నించగా… రావణుడు దెయ్యం కాబట్టి” అంటూ సంజయ్ జవాబిస్తాడు. అయితే చంపడం కూడా తప్పు కాదు కదా” అంటూ చిన్నారి సంభాషణలతో ఈ ట్రైలర్ ప్రారంభమైంది. పొలిటికల్ యాక్షన్ థ్రిల్లర్ గా తెరకెక్కుతున్న ఈ సినిమా ట్రైలర్ ను మీరు కూడా వీక్షించండి.
సంజయ్ దత్ “ప్రస్థానం” ట్రైలర్
