telugu navyamedia
culture Telugu Poetry

నీకై నేను.

prema varnana poetry corner

నింగి లోన తారకవై నువ్వుంటే
చల్లని వెన్నెలై  నే మెరావనా

మేఘ మాలికల పల్లకిలో  నువ్వుంటే
చల్లని పవనమై నిన్ను చుట్టేయనా

హరివిల్లు పాన్పుపై నువ్వుంటే
మది నచ్చిన వర్ణమై కప్పేయనా

ఉరికే అలల ఉత్సాహం నువ్వైతే
ఓర్పుగ వేచే దరి నేనై తాకనా..

రేపటి ఆశల వసంతం నీవైతే
కమ్మని రాగమై నే పాడనా..

మది వెదురును స్పృశిస్తూ                             

  నువ్వు సాగితే

హృదయమంతా
నిండిన నీ శ్వాసను  రాగమై పలికించనా..

నిన్నటి జ్ఞాపకాల అలలపై నువ్వెటో సాగుతుంటే
కన్నీటి తెరచాప నెత్తి ఆవలి ఒడ్డుకు సాగుతున్నా..

అక్కడ నీ వుంటావన్న ఆశతో…
మనసు ముత్యాలను దోసిళ్ళ లో నింపుకొన్నా..
నిన్ను అభిషేకించుటకై…

అవధానం అమృత
9052912120
ప్రొద్దుటూరు

Related posts

బంగారం ధరలు..

vimala p

టెస్లా సెల్ఫ్ డ్రైవింగ్ కార్లో… పోర్న్ స్టార్ చేసిన పని చూడండి

vimala p

ప్రపంచ కప్ గెలవకపోతే… తాను నిరాశకు గురవుతా: అజార్

vimala p