టాలీవుడ్ లో విజయ్ దేవరకొండను ఓవర్ నైట్ స్టార్ గా మార్చిన “అర్జున్ రెడ్డి” సినిమాను హిందీ, తమిళ భాషల్లో రూపొందిస్తున్న విషయం తెలిసిందే. హిందీలో షాహిద్ కపూర్, కియారా అద్వానీ జంటగా “కబీర్ సింగ్” పేరుతో ఈ చిత్రం రూపొందుతోంది. తెలుగులో “అర్జున్ రెడ్డి”కి దర్శకత్వంలో వహించిన దర్శకుడు సందీప్ వంగా హిందీ రీమేక్ ను కూడా తెరకెక్కిస్తున్నారు. అయితే తాజాగా సినిమాకు సంబంధించిన ఓ లిప్ లాక్ సీన్ సోషల్ మీడియాలో ప్రత్యక్షమై చిత్రబృందానికి షాక్ ఇచ్చింది. ఇటీవల ఢిల్లీలో కిరోరీ మాల్ కాలేజ్ లో చిత్రబృందం ఈ చిత్రంలోని కొన్ని సన్నివేశాలను చిత్రీకరించారు. ఆ సమయంలో అక్కడే ఉన్న కొంతమంది స్టూడెంట్స్ ఆ సన్నివేశాన్ని తమ ఫోన్లలో బంధించారు. ఆ తరువాత వాటిని తన సోషల్ మీడియా అకౌంట్లలో పోస్ట్ చేయడంతో ఈ లిప్ లాక్ సీన్ వైరల్ గా మారింది. అంతేకాదు ఫ్రీగా సినిమాకు కావాల్సినంత పబ్లిసిటీ కూడా అవుతోంది.
మేకప్ వేసుకుని ఇప్పటికి 50 ఏళ్ళయ్యింది..ఇంకా ఏదో చెయ్యాలనిపిస్తుంది