చిత్తూరు నుంచి కాచిగూడ వెళ్తున్న వెంకటాద్రి ఎక్స్ప్రెస్ రైలుకు తృటిలో ప్రమాదం తప్పింది. ఈ రోజు తెల్లవారు జామున కర్నూలు రైల్వే స్టేషన్‌లో వెంకటాద్రి ఎక్స్ప్రెస్ ఇంజిన్‌ పట్టాలు తప్పింది. దీంతో పలు రైళ్ల రాకపోకలకు అంతరాయం ఏర్పడింది. డ్రైవర్‌ అప్రమత్తంగా వ్యవహరించడంతో పెను ప్రమాదం తప్పింది. ఈ ఘటనతో ప్రయాణికులు ఆందోళనకు గురయ్యారు. సిబ్బంది ట్రాక్‌ పునరుద్ధరణ పనులు చేస్తున్నారు. కొద్ది సమయం తర్వాత ‘వెంకటాద్రి’కి మరో ఇంజిన్‌‌ను రైల్వే అధికారులు అమర్చారు. ఇటీవల అదే ప్రాంతంలో గూడ్స్‌ రైలు కూడా పట్టాలు తప్పడం గమనార్హం.
‘వెంకటాద్రి ఎక్స్ప్రెస్’ కు తృటిలో తప్పిన పెను ప్రమాదం!
