బాలీవుడ్ కండల వీరుడు, స్టార్ సల్మాన్ ఖాన్‌కు బాడీగార్డ్‌గా ప‌ని చేస్తున్న షేరా శుక్ర‌వారం రోజున శివసేన పార్టీలో చేరారు. త‌న ట్విట్ట‌ర్ అకౌంట్ ద్వారా శివసేన ఈ ప్ర‌క‌ట‌న చేసింది. సల్మాన్ బాడీగార్డ్ షేరా అస‌లు పేరు గుర్మీత్ సింగ్‌. శివసేన పార్టీ చీఫ్ ఉద్ద‌వ్ థాక‌రే, యువ సేనా అధ్య‌క్షుడు ఆదిత్య థాక‌రే.. గుర్మీత్‌కు ఆహ్వానం ప‌లికారు. ముంబైలోని మాతోశ్రీ నివాసంలో ఈ చేరిక కార్య‌క్ర‌మం జ‌రిగింది. ఎన్నో ఏళ్ల నుంచి సల్మాన్ ఖాన్‌కు షేరా బాడీగార్డ్ చేస్తున్నాడు. బాలీవుడ్ హీరోకు అత‌నెంతో న‌మ్మ‌క‌స్తుడు. సూప‌ర్‌స్టార్ ఇంట్లో జ‌రిగే ప్ర‌తి కార్య‌క్ర‌మంలోనూ అత‌ను క‌నిపిస్తాడు. అయితే ఇప్పుడు షేరా రాజకీయాల్లోకి అడుగుపెట్టడం ఆసక్తికరంగా మారింది. మ‌హారాష్ట్ర అసెంబ్లీ ఎన్నికలు ద‌గ్గ‌ర‌ప‌డ్డాయి. ఈనెల 21న ఎన్నికల జ‌ర‌గ‌నున్న విష‌యం తెలిసిందే. ఈ నేప‌థ్యంలో మ‌హా ఎన్నిక‌ల్లో శివసేన.. బీజేపీతో పొత్తు పెట్టుకున్న విష‌యం తెలిసిందే. ఆదిత్య థాక‌రే వొర్లీ అసెంబ్లీ నియోజ‌క‌వ‌ర్గం నుంచి పోటీలో ఉన్నారు.
अभिनेते सलमान खान जी यांचे निष्ठावंत व विश्वासू गुरमीत सिंग उर्फ शेरा जी यांनी आज मातोश्री निवासस्थानी येथे शिवसेना पक्षप्रमुख मा. श्री. उद्धव साहेब ठाकरे आणि युवासेनाप्रमुख @AUThackeray यांच्या उपस्थितीत शिवसेनेत जाहीर प्रवेश केला. pic.twitter.com/UQ2YN4CAnp
— ShivSena – शिवसेना (@ShivSena) 18 October 2019