స్టైలిష్ స్టార్ అల్లు అర్జున్ గతేడాది వరుస రికార్డులు సాధించాడు. అంతేకాకుండా గతేడాది అలా వైకుంఠపురములో సినిమాతో ఇండస్ట్రీ హిట్ అందుకున్నాడు. ప్రస్తుతం స్టార్ దర్శకుడు సుకుమార్ దర్శకత్వంలో పాన్ ఇండియా రేంజ్ సినిమా తెరకెక్కిస్తున్నాడు. ఈ సినిమా చిత్రీకరణ కరోనా కారణంగా అనేక సార్లు వాయిదా పడినా సినిమా విజయ పథంలో నడుస్తోంది. ఇటీవల ఆగిన షూటింగ్ మళ్లీ నిలిచిపోయింది. ప్రస్తుతం పరిస్థితులు కాస్త కుదుట పడటంతో ఈ నెల 8నుంచి షూటింగ్ ప్రారంభించనున్నారు. ఈ సారి పక్కా షెడ్యూల్ రెడీ చేసి త్వరగా సినిమాను పూర్తి చేయాలని చిత్ర టీం చూస్తోంది. అయితే ఈ సినిమాలో అల్లుఅర్జున్‌కి చెల్లెలి పాత్రలో ఓ స్టార్ హీరోయిన్ కనిపించనుందట, అది కూడా ఎవరూ కాదండీ నాచురల్ బ్యూటీ సాయిపల్లవి. అయితే ఈ అమ్మడుకి మెగాస్టార్ చిరంజీవి నటిస్తున్న ఆచార్య సినిమాలో రాంచరణ్‌కి జోడీ పాత్ర ఆఫర్ వచ్చిందట. కానీ ఈ బ్యూటీ ఆ ఆఫర్‌ని రెజెక్ట్ చేసింది. ఇప్పుడు అల్లు అర్జున్ పుష్ఫలో చేయడం ఏంటని కొందరు అంటున్నారు. మరి కొందరు పుష్ప సినిమా కోసమే ఆచార్య ఆఫర్‌కి నో చెప్పిందని అనుకుంటున్నారు.
ఫిదా బ్యూటీకి మరో పెద్ద ఆఫర్..!
