ప్రస్తుతం దర్శక ధీరుడు రాజమౌళి దర్శకత్వంలో తెరకెక్కుతున్న ఆర్ఆర్ఆర్ తరువాత తను చేయనున్న సినిమా కోసం అనేక మంది దర్శకులతో చర్చలు జరుపుతున్నారు మెగాపవర్ స్టార్ రామ్ చరణ్. ఈ క్రమంలో అనేక రూమర్లు వెలుగులోకి వచ్చాయి. అనేక మంది దర్శకుల పేర్లు కూడా వచ్చాయి. అయితే తాజాగా రోబో శంకర్‌కు రామ్ చరణ్ గ్రీన్ సిగ్నల్ ఇచ్చారంట. శంకర్ చెప్పిన కథ నచ్చడంతో వెంటనే ఓకే చెప్పేశారంట. అయితే ఈ సినిమాను టాలీవుడ్ ప్రముఖ నిర్మాత దిల్ రాజు నిర్మించనున్నారంట. ఈ మేరకు వార్తలు ప్రస్తుతం సోషల్ మీడియాలో హల్‌చల్ చేస్తున్నాయి. ఇప్పటి వరకు రామ్ చరణ్ తదుపరి చిత్రంపై అధికారిక ప్రకటన రాలేదు. అతి త్వరలోనే ఈ సినిమాపై ప్రకటన చేయనున్నారంట. ఇదిలా ఉంటే రామ్ చరణ్ ప్రస్తుతం ఆర్ఆర్ఆర్ సినిమా క్లైమాక్స్ చిత్రీకరణలో బిజీగా ఉన్నారు. వచ్చే నెల చివరికి ఆర్ఆర్ఆర్‌ను ముగించేందుకు చిత్ర యూనిట్ కూడా ప్రయత్నాలు చేస్తోంది. ఇందులో చెర్రీ అల్లూరి సీతారామరాజు పాత్రలో కనిపించనున్నారు. ఈ సినిమా అక్టోబర్13న ప్రేక్షకుల ముందుకు రానుంది. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. చూడాలి మరి ఈ సినిమా అభిమానులను ఏ రేంజ్ లో ఆకట్టుకుంటుంది అనేది.
శంకర్ తో మెగాపవర్ స్టార్…?
