హీరో విక్రమ్‌ తనయుడు ధృవ్ “అర్జున్ రెడ్డి” తమిళ రీమేక్ తో తమిళంలోకి హీరోగా ఎంట్రీ ఇచ్చాడు. ధృవ్ మొదటి సినిమాతో బ్లాక్ బస్టర్ హిట్ ను సొంతం చేసుకున్నాడు. ఇప్పుడు ప్రముఖ దర్శకుడు మురుగదాస్‌ శిష్యుడు రవికాంత్‌ దర్శకత్వంలో ఓ సినిమా చేస్తున్నాడు ధృవ్. ఈ సినిమాలో ప్రియా ప్రకాష్‌ వారియర్ కథానాయికగా ఎంపికైందని టాక్‌. ధృవ్ సినిమాలో సోలో హీరోయిన్‌గా అవకాశం రావడంతో ఈ బ్యూటీ ఫుల్‌ ఖుషీ అవుతున్నారట. “ఒరు అదార్ లవ్ ” సినిమా టీజర్ లో వెరైటీగా కన్ను గీటిన ప్రియా ప్రకాశ్ ఆ ఒక్క టీజర్ తో ఓవర్ నైట్ స్టార్ అయ్యింది. ఈ వింక్ బ్యూటీకి ప్రపంచవ్యాప్తంగా అభిమానులు ఏర్పడ్డారు. అయితే ఆమె నటించిన “ఒరు అదార్ లవ్” చిత్రాన్ని “లవర్స్ డే”గా తెలుగులో కూడా విడుదల చేశారు. అయితే ఈ సినిమాలో ప్రియా వారియర్ నటన ప్రేక్షకులను అంతగా ఆకట్టుకోలేకపోయింది. మరోవైపు తెలుగులో నితిన్‌ హీరోగా చంద్రశేఖర్‌ యేలేటి దర్శకత్వం వహించనున్న ఓ సినిమాలోనూ ప్రియా ప్రకాష్‌ వారియర్‌కి రెండో హీరోయిన్‌గా అవకాశం వచ్చిందనే వార్తలు చక్కర్లు కొడుతున్నాయి.
స్టార్ హీరో తనయుడితో ప్రియాప్ర‌కాశ్ వారియర్…!
