ట్విటర్లో సౌదీ పోలీసులు ఆదివారం షేర్ చేసిన వీడియో క్షణాల్లోనే వైరలయింది. ఓ బిజీ రోడ్డుపై జరిగిన రోడ్డు ప్రమాదానికి సంబంధించిన ఆ వీడియోతో పాటు, వాహనం నడిపేటప్పుడు ఏమరిపాటుగా ఉండొద్దని వారు సందేశమిచ్చారు. డ్రైవింగ్ చేస్తూ ఫోన్ మాట్లాడటం, చాట్ చేయడం వంటి పనుల్లో బిజీ అయిపోతే ఇలానే జరుగుతుందని హెచ్చరించారు. ఇక వీడియో విషయానికొస్తే.. రోడ్డుపై వేగంగా వెళ్తున్న ఓ కారు, సిగ్నల్ వేయకుండా సడన్గా స్లో అయింది. రోడ్డు క్రాస్ చేసేప్పుడు కూడా సిగ్నల్ వేయలేదు. దీంతో వెనగ్గా వస్తున్న మరో కారు దాన్ని బలంగా ఢీకొట్టింది. అది ఎంత బలంగా ఢీకొట్టిందంటే.. ఆ దెబ్బకు స్లో అయిన కారు రోడ్డుకు అడ్డంతిరిగి, సినిమాల్లో చూపించినట్లు రౌండ్లు కొట్టింది. ఈ వీడియో షేర్ చేసిన అబుధాబి పోలీసులు.. ఇలా ఏమరిపాటుగా వాహనాలు నడిపితే రూ.15 వేలపైగా జరిమానా పడుతుందని హెచ్చరించారు.
previous post