ప్రముఖ నిర్మాత దిల్ రాజు ఇంట వరుసగా శుభకార్యాలు జరుగుతున్నాయి. లాక్‌డౌన్ సమయంలో దిల్ రాజు పెళ్లి జరిగిన విషయం తెలిసిందే. మే 10న నిజామాబాద్ జిల్లా మోపాల్ మండ‌లం న‌ర్సింగ్‌ప‌ల్లిలోని వెంక‌టేశ్వర‌స్వామి ఆలయంలో తేజస్వినిని నిరాడంబ‌రంగా వివాహం చేసుకున్నారు. ఇప్పుడు దిల్ రాజు ఇంట మరో శుభకార్యం జరిగింది. హన్షిత కుమార్తె, దిల్ రాజు మనవరాలు ఇషిక అన్నప్రాసన వేడుక హైదరాబాద్‌లోని ఓ ఆలయంలో సందడిగా జరిగింది. ఈ వేడుకలో దిల్ రాజు కూడా పాల్గొన్నారు. మనవరాలిని ఎత్తుకుని ఆడించారు. ఈ అన్నప్రాసన వేడుక ఫొటోలను హన్షిత రెడ్డి ఇన్‌స్టాగ్రామ్‌లో పోస్ట్ చేశారు. ఇషిక జన్మించి ఆరు నెలలు పూర్తయిన సందర్భంగా ఆరో నెల ఆరో రోజు అన్నప్రాసన కార్యక్రమం నిర్వహించినట్టు ఇన్‌స్టాగ్రామ్ పోస్ట్‌లో హన్షిత పేర్కొన్నారు. హన్షిత కుటుంబ సభ్యులంతా సంప్రదాయ దుస్తుల్లో నిండుగా కనిపిస్తున్నారు. చిన్నారి ఇషిక పట్టు వస్త్రాల్లో మెరిసిపోతోంది. కాగా, 2014లో అచ్యుత్ రెడ్డితో హన్షితరెడ్డి వివాహం జరిగింది. దిల్ రాజు ఏకైక కుమార్తె అయిన హన్షితరెడ్డి వివాహం తమిళనాడులోని ఊటీలో మే 2న జరిగింది. అచ్యుత్, హన్షిత దంపతులకు ఇద్దరు పిల్లలు. బాబు పేరు ఆరాన్ష్, పాప పేరు ఇషిక. ఆరాన్ష్ ఇప్పటికే బాలనటుడిగా పరిచయమయ్యాడు. అఖిల్ అక్కినేని హీరోగా వచ్చిన ‘మిస్టర్ మజ్ను’లో చిన్నప్పటి అఖిల్‌గా ఆరాన్ష్ కనిపించాడు. ఇక ఇషిక.. ఆరు నెలల క్రితం ‘సరిలేరు నీకెవ్వరు’ సినిమా ప్రీ రిలీజ్ ఈవెంట్ రోజు జన్మించింది.
Pics from #DilRaju‘s Grand-daughter Ishika’s annaprasana function pic.twitter.com/JAOVMVu4xq
— BARaju (@baraju_SuperHit) June 24, 2020