telugu navyamedia
ట్రెండింగ్ సినిమా వార్తలు

“ఆటో రజిని” ఫస్ట్ లుక్ విడుదల చేసిన ఏపీ మంత్రి కొడాలి నాని

దర్శకుడు జొన్నలగడ్డ శ్రీనివాసరావు తన కుమారుడిని హీరోగా పెట్టి ఇప్పుడు మరో సినిమాను తెరకెక్కిస్తున్నారు. దీనికి ‘ఆటో రజిని’ అనే టైటిల్ పెట్టారు. శ్రీ మహాలక్ష్మి ఎంటర్‌ప్రైజస్ బ్యానర్‌పై జొన్నలగడ్డ శ్రీనివాసరావు స్వీయ దర్శకత్వంలో నిర్మిస్తున్నారు. పవర్‌ఫుల్ మాస్ ఎంటర్‌టైనర్‌గా ఈ చిత్రాన్ని రూపొందిస్తున్నారు. నిజానికి ఈ సినిమా కిందటేడాది అక్టోబర్‌లో ప్రారంభమైంది. ముఖ్యమంత్రి వై.ఎస్. జగన్మోహన్ రెడ్డి ఆశీస్సులతో ఈ సినిమాను మొదలుపెట్టారు. కాగా, ఇప్పుడు ఈ సినిమాకు మంత్రి కొడాలి నాని ప్రోత్సాహం కూడా లభించింది. ‘ఆటో రజిని’ సినిమా ఫస్ట్ లుక్ పోస్టర్‌ను మంత్రి కొడాలి నాని బుధవారం విడుదల చేశారు. శ్రీనివాసరావు, హరికృష్ణ స్వయంగా కొడాలి నాని కలిసి ల్యాప్‌టాప్‌లో సినిమా ఫస్ట్ లుక్ పోస్టర్‌ను ఆవిష్కరింపజేశారు. ఈ సందర్భంగా దర్శక నిర్మాత జొన్నలగడ్డ శ్రీనివాసరావు, హీరో హరికృష్ణకు కొడాలి నాని శుభాకాంక్షలు తెలియజేశారు.

Auto Rajini
ఈ సందర్భంగా జొన్నలగడ్డ శ్రీనివాసరావు మాట్లాడుతూ.. ‘‘ముఖ్యమంత్రి వై.ఎస్.జగన్మోహన్ రెడ్డి ఆశీస్సులు అందుకున్న మొదటి చిత్రంగా మా ‘ఆటో రజిని’ ప్రాజెక్ట్ ప్రారంభమైంది. ఈరోజు మంత్రి కొడాలి నాని మా సినిమా ఫస్ట్ లుక్‌ను విడుదల చేశారు. ఆయనకి మా ధన్యవాదాలు తెలియజేస్తున్నాం’’ అని అన్నారు. హీరో హరికృష్ణ జొన్నలగడ్డ మాట్లాడుతూ.. ‘‘నా రెండో సినిమా ఏపీ సీఎం వై.ఎస్. జగన్ గారి ఆశీస్సులతో ప్రారంభమడం నా అదృష్టం. మంత్రి కొడాలి నాని గారు ఫస్ట్ లుక్ పోస్టర్‌ను అవిష్కరించడం ఆనందంగా ఉంది. టైటిల్‌కి తగ్గట్టు అన్ని కమర్షియల్ అంశాలతో సినిమా ఉంటుంది. త్వరలోనే ఈ సినిమా పూర్తి వివరాలు తెలియజేస్తాం’’ అని అన్నారు. కాగా… అక్కినేని నాగార్జునతో ‘ఎదురులేని మనిషి’ సినిమాను తెరకెక్కించిన దర్శకుడు జొన్నలగడ్డ శ్రీనివాసరావు తన కుమారుడు హ‌రికృష్ణని హీరోగా కిందటేడాది పరిచయం చేశారు. ఆయనే దర్శక, నిర్మాతగా వ్యవహరించారు. ‘ప్రేమెంత పనిచేసే నారాయణ’ టైటిల్‌తో తెరకెక్కిన ఆ సినిమాకు మంచి ప్రచారమే కల్పించారు. రవితేజ, డైరెక్టర్ క్రిష్, శ్రీకాంత్ వంటి స్టార్లతో ప్రచారం చేయించారు. కానీ, ఈ సినిమా ఆశించిన స్థాయిలో ఆడలేదు. అయినప్పటికీ శ్రీనివాసరావు తన ప్రయత్నాన్ని మాత్రం ఆపలేదు.

Related posts