నటరత్న ఎన్. టి.రామారావు గారు భగవంతుడు గాను, భక్తుడు గాను నటించిన చిత్రం అశ్వరాజా పిక్చర్స్ వారి “‘ శ్రీ సత్యనారాయణ మహాత్మ్యం'” 27-06-1964 విడుదలయ్యింది.
నిర్మాత పి.సత్యనారాయణ గారు అశ్వరాజా పిక్చర్స్ పతాకంపై ప్రముఖ దర్శకుడు యస్.రజనీకాంత్ గారి దర్శకత్వంలో ఈ చిత్రాన్ని నిర్మించారు.
ఈ చిత్రానికి స్క్రీన్ ప్లే,పర్యవేక్షణ: కె.గోపాలరావు,
మాటలు,పాటలు: సముద్రాల రామానుజాచార్య (జూనియర్),
సంగీతం: ఘంటసాల,
ఫోటోగ్రఫీ: సి.నాగేశ్వరరావు,
కళ: వాలి, నృత్యం: వెంపటి సత్యం,
ఎడిటింగ్: ఎన్.ఎస్.ప్రకాష్ అందించారు.
ఈచిత్రం లో ఎన్.టి. రామారావు,కృష్ణకుమారి, కాంతారావు, చలం, రమణారెడ్డి, ఛాయాదేవి, రేలంగి , గిరిజ, అల్లు రామలింగయ్య, ప్రభాకర రెడ్డి, గీతాంజలి, ఉదయాలక్ష్మి, సూర్యకళ,మహంకాళి వెంకయ్య, ఎ. వి.సుబ్బారావు, లంక సత్యం తదితరులు నటించారు.
ప్రఖ్యాత నేపధ్యగాయకులు, సంగీత దర్శకులు
ఘంటసాల గారి స్వరకల్పనలో వెలువడిన పాటలు
“మాధవా మౌనమా సనాతనా ”
“ఏ ప్రసాద మహిమో ఇలరాజు లాసించు”
“సత్యదేవుని సుందరరూపుని నిత్యము సేవించండీ,”
“జయ జయ శ్రీమన్నారాయణ,జయ
విజయీభవ నారాయణ” వంటి పాటలు , పద్యాలు శ్రోతలను ఆకట్టుకున్నాయి.
ఈచిత్రం లో ఎన్టీఆర్ గారు శ్రీ సత్యనారాయణస్వామి గాను, భక్తుడు సత్యదాసు గాను ద్విపాత్రాభినయం చేశారు.
అత్యధ్బుతమైన భక్తి గీతాలతో అత్యంత భక్తిరసంగా రూపొందిన ఈ పౌరాణిక చిత్రం విజయం సాధించి పలుకేంద్రాలలో అర్ధశతదినోత్సవం జరుపుకుని 10 వారాలకు పైగా ప్రదర్శింపబడింది…