ప్రధానమంత్రి నరేంద్ర మోదీ రేపు అన్ని రాష్ట్రాల ముఖ్యమంత్రులతో కీలక సమావేశం

ప్రధానమంత్రి నరేంద్ర మోదీ రేపు అన్ని రాష్ట్రాల ముఖ్యమంత్రులతో కీలక సమావేశం నిర్వహించనున్నారు.

పశ్చిమ ఆసియాలో నెలకొన్న ఉద్రిక్త పరిస్థితుల వల్ల ఏర్పడే ప్రభావాలపై చర్చించేందుకు ఈ సమావేశాన్ని ఏర్పాటు చేశారు.

ఇరాన్-ఇజ్రాయెల్-అమెరికా మధ్య పెరుగుతున్న యుద్ధ ఉద్రిక్తతల వల్ల భారత్‌పై పడే ఆర్థిక మరియు భద్రతాపరమైన ప్రభావాల గురించి ఈ మీటింగ్‌లో చర్చిస్తారు.

ముడి చమురు (Crude Oil), గ్యాస్ సరఫరా మరియు ఇంధన ధరల నియంత్రణపై కేంద్రం రాష్ట్రాలతో కలిసి చర్చించనుంది.

నిత్యావసర వస్తువుల సరఫరా గొలుసు (Supply Chain) దెబ్బతినకుండా ఉండేందుకు అనుసరించాల్సిన వ్యూహాలపై ‘టీమ్ ఇండియా’ స్ఫూర్తితో అందరినీ సమన్వయం చేయడం ఈ సమావేశం ముఖ్య ఉద్దేశ్యం.

ఈ రాష్ట్రాల ముఖ్యమంత్రుల సమావేశానికి ముందుగానే, బుధవారం (మార్చి 25) కేంద్ర ప్రభుత్వం అన్ని రాజకీయ పార్టీలతో సర్వపక్ష సమావేశాన్ని కూడా నిర్వహించింది.