యంగ్ లుక్ లో మహేశ్… కూతురితో కలిసి సెల్ఫీ

టాలీవుడ్‌ సూప‌ర్ స్టార్ మహేశ్‌బాబు లాక్‌డౌన్‌ కాలంలో సోషల్‌మీడియాలో యాక్టివ్‌గా ఉంటోన్న విషయం తెలిసిందే. మహేశ్‌ హోంక్వారంటైన్‌ సమయాన్ని తన కుటుంబంతో కలిసి ఎంజాయ్‌ చేస్తున్నాడు. అయితే మహేశ్‌ సెల్ఫీ ఒకటి నెట్టింట్లో చక్కర్లు కొడుతోంది. తన కూతురు సితారతో కలిసి ఓ సెల్ఫీ దిగాడు. మహేశ్‌, సితార సెల్ఫీ అద్దంలో ప్రతిబింబిస్తోంది. ఈ సెల్ఫీ ప్రత్యేకత ఏంటంటే చాలా రోజుల తరువాత మహేశ్‌ చాలా కొత్తగా యంగ్‌ లుక్‌లో కనిపిస్తున్నాడు. ఈ స్టిల్ సోషల్ మీడియాలో వైరల్ అవుతోంది. ఇక మహేశ్ సినిమాల విషయానికొస్తే… మ‌హేష్ బాబు ఈ ఏడాది “సరిలేరు నీకెవ్వ‌రు” చిత్రంతో ప్రేక్ష‌కుల ముందుకు వచ్చారు. ఈ చిత్రం మంచి విజయం సాధించింది. అనీల్ రావిపూడి ద‌ర్శ‌క‌త్వంలో తెర‌కెక్కిన ఈ చిత్రం అభిమానుల‌ని అల‌రించింది. త్వ‌ర‌లో ప‌ర‌శురాం ద‌ర్శ‌క‌త్వంలో మ‌హేష్ ఓ చిత్రం చేయనున్నారు. మ‌హేష్ ‌- ప‌ర‌శురాం కాంబినేష‌న్‌లో రూపొంద‌నున్న చిత్రం అతి త్వ‌ర‌లో సెట్స్ పైకి వెళ్ళనుంది.