బాలీవుడ్ నటి, మోడల్, మాజీ మిస్ ఇండియా ఇంటర్నేషనల్ ఇషా గుప్తా డేటింగ్ తాలూకు యవ్వారం బయటపెడుతూ ఆవేదన చెందింది. బాయ్ ఫ్రెండ్ తాలూకు సంగతులను ఇన్నాళ్లు గుట్టుగా ఉంచిన ఆమె ఇప్పుడు ఓపెన్ అయింది. తన ప్రియుడు పడుతున్న కష్టాలను తెలుపింది. తన ప్రియుడు స్పానిష్ పారిశ్రామిక వేత్త మాన్యుయెల్ కాంపోస్ గుల్లార్ అని తెలిపింది. ఎప్పుడూ తన హాట్ హాట్ ఫోటోలు షేర్ చేస్తూ సోషల్ మీడియాను షేక్ చేసే ఈషా ఎట్టకేలకు తన ప్రియుడి ఫోటో షేర్ చేసింది. ఈ మేరకు స్పెయిన్లో తన ప్రియుడు కష్టాల్లో ఉన్నాడని పేర్కొంది. కరోనా విలయతాండవం చేస్తున్న దేశాల్లో స్పెయిన్ ఒకటి. ఇక్కడ అత్యధిక కేసులు నమోదు కావడం ఆ దేశ ప్రజానీకాన్ని వణికిస్తోంది. అయితే తన ప్రియుడు మాన్యుయెల్ కాంపోస్ గుల్లార్తో కలిసి దిగిన పిక్ షేర్ చేసిన ఈషా.. స్పెయిన్లోని విపత్కర పరిస్థితుల్లో నా ప్రియుడు చాలా కష్టాలను అనుభవిస్తూ క్వారంటైన్లో ఉంటున్నాడు. ప్రతీరోజు ఆయనకు వీడియో కాల్ చేసి పదే పదే మాట్లాడుతూనే ఉన్నాను. ప్రస్తుతం అతను ఐసోలేషన్లో ఉంటూ అన్ని జాగ్రత్తలు తీసుకుంటున్నా నాకు మాత్రం చాలా బాధగా ఉంది అని పేర్కొంది. మాన్యుయెల్ గురించి ఎక్కువగా ఆలోచించడం వల్ల తన ఆరోగ్యం కూడా సరిగా ఉండటం లేదని దిగులుపడుతోంది ఇషా గుప్తా.