అక్కినేని నాగార్జున తనయుడు, టాలీవుడ్ యంగ్ హీరో అఖిల్ ”అఖిల్, హలో, మిస్టర్ మజ్ను” సినిమాలతో ఆశించిన ఫలితం రాబట్టలేకపోయాడు. ఈ యంగ్ హీరో తన నాలుగో సినిమా ‘మోస్ట్ ఎలిజిబుల్ బ్యాచ్‌లర్’తో ప్రేక్షకుల ముందుకు రాబోతున్నాడు. బొమ్మరిల్లు భాస్కర్ దర్శకత్వంలో రూపొందుతున్న ఈ మూవీ అతిత్వరలో రిలీజ్ కానుంది. ఇందులో అఖిల్ జోడీగా పూజా హెగ్డే నటిస్తోంది. ఈ సినిమాపైనే ఆశలన్నీ పెట్టుకున్నాడు అఖిల్. అయితే తాజాగా పెళ్లి పీటలెక్కబోతున్నారని, ఆ బాధ్యతలను అతని వదిన సమంత తీసుకుందని ఫిలింనగర్‌లో టాక్ మొదలైంది. అక్కినేని ఫ్యామిలీ సీక్రెట్‌‌గా అఖిల్ పెళ్లికి సంబంధించిన పనులు చేస్తున్నారని, రీసెంట్‌గా ఓ ఫేమస్ బిజినెస్‌మెన్ కూతురితో అఖిల్ పెళ్లి ఫిక్స్ కూడా చేసేశారని ఫిలింనగర్ జనం చెప్పుకుంటున్నారు. అంతేకాదండోయ్.. దీని వెనుక అఖిల్ వదిన సమంత హస్తం ఉందని, ఆమెనే ఇరు కుటుంబాలను మెప్పించి అఖిల్ పెళ్లి బాధ్యత భుజాలపై వేసుకుందని అంటున్నారు. దీంతో మరోసారి అఖిల్ పెళ్లి మ్యాటర్ జనాల్లో హాట్ టాపిక్ అయింది. కాగా లాక్‌డౌన్ వేళ టాలీవుడ్ మోస్ట్ ఎలిజిబుల్ బ్యాచిలర్స్ నిఖిల్, నితిన్, రానా పెళ్లి చేసుకొని బ్యాచిలర్ జీవితానికి ఫుల్‌స్టాప్ పెట్టగా… మెగా ఫ్యామిలీ నుంచి వరుణ్ తేజ్, సాయి ధరమ్ తేజ్ పెళ్లికి సిద్దమైనట్లు హింట్స్ ఇచ్చారు. ఇకపోతే ఇదే సమయంలో అక్కినేని ఫ్యామిలీ కూడా పెళ్లి బాజాలు మోగించేందుకు రెడీ అయిందని తెలుస్తుండటం ఆసక్తి రేకెత్తిస్తోంది. కాగా గతంలోనే శ్రేయా భూపాల్‌తో అఖిల్ పెళ్లి ఫిక్స్ అయి అనూహ్యంగా క్యాన్సిల్ అయింది. దానికి కారణాలేంటనేది అఫీషియల్‌గా తెలియనప్పటికీ.. అప్పటి నుంచి అఖిల్ పెళ్లి మ్యాటర్ జనాల్లో హాట్ ఇష్యూ గానే నడుస్తోంది.
సీక్రెట్‌‌గా అఖిల్ పెళ్లి పనులు… బాధ్యత తీసుకున్న సమంత ?
కరోనా ఎఫెక్ట్… “ఆర్ఆర్ఆర్” మరోసారి వాయిదా