ప్రస్తుతం టాలీవుడ్ హీరోలు అందరూ వరుస సినిమాలు చేస్తున్నారు. అందులో నాచురల్ స్టార్ నాని కూడా ఒక్కడు. ప్రస్తుతం నాని వరుస సినిమాలు చేస్తూ బిజీగా ఉన్నారు. టక్ జగదీష్, అంటే సుందరానికి, శ్యామ్ సింగరాయ్ సినిమాలతో పాటు ఈ ఏడాది చివరికి ఓ వెబ్ సిరీస్ కూడా ప్లాన్ చేస్తున్నారంట. ప్రస్తుతం నాచురల్ స్టార్ తన తాజా చిత్రం టక్ జగదీష్ సినిమా చిత్రీకరణలో పాల్గొంటున్నారు. ఈ సినిమాలో రీతు వర్మ హీరోయిన్‌గా చేస్తున్నారు. ఈ చిత్రాన్ని శివ నిర్వానా దర్శకత్వంలో సాహు గారిపాటి, హరీష్ పెద్ది నిర్మిస్తున్నారు. అయితే ప్రస్తుతం ఇతర సినిమాల వారు వరుసగా లిరికల్ పాటలు విడుదల చేస్తున్నారు. ఇప్పుడు ఈ జాబితాలో తాజాగా నాని కూడా చేరారు. నాని టక్ జగదీష్ సినిమా నుంచి ఇంకోసారి ఇంకోసారి అంటూ సాగే పాట తాజగా విడుదల చేసింది చిత్రబృందం. ఈ పాట రొమాంటిక్‌గా ఉంది. అయితే ఈ సినిమాకు త‌మ‌న్ సంగీతం అందిస్తున్నారు. వేసవి కానుకగా ఏప్రిల్‌ 23న ఈ సినిమా ప్రేక్షకుల ముందుకు రాబోతోంది. అయితే ఈ సినిమా పై అభిమానులకు భారీ నాచనలు ఉన్నాయి. చూడాలి మరి టక్ జగదీష్ ఆ అంచనాలను అందుకుంటాడా… లేదా అనేది.
టక్ జగదీష్ నుండి విడుదలైన లిరికల్ సాంగ్…
