లాక్ డౌన్ కారణంగా షూటింగులకు అంతరాయం కలగడంతో ‘ఆర్ఆర్ఆర్’ కూడా వాయిదా పడిపోయింది. కొవిడ్ నిబంధనల ప్రకారం తగు జాగ్రత్తలు తీసుకుంటూ ఇటీవలే ‘ఆర్ఆర్ఆర్’ చిత్రం షూటింగ్ తిరిగి మొదలైంది. రామ్ చరణ్, ఎన్టీఆర్ హీరోలుగా నటిస్తున్న ఈ సినిమా ప్రస్తుతం రామోజీ ఫిలింసిటీలో కీలక సన్నివేశాలను చిత్రీకరిస్తున్నారు. అల్లూరి సీతారామరాజు పాత్రలో రామ్ చరణ్‌ను ఈ సినిమా యూనిట్ ప్రేక్షకులకు పరిచయం చేసింది. కొమరం భీమ్‌గా నటిస్తోన్న ఎన్టీఆర్‌కు సంబంధించిన టీజర్ ను ఈ నెల 22న విడుదల చేయనున్నారు. ఈ నేపథ్యంలో దానిలోని క్లిప్‌ను విడుదల చేశారు. ఇక చిత్రంలో చరణ్ సరసన సీత పాత్రలో కథానాయికగా నటిస్తున్న బాలీవుడ్ భామ అలియా భట్ ఇంతవరకు ఈ చిత్రం షూటింగులో పాల్గొనలేదు. దీంతో ఆమె వచ్చే నెలలో ఈ చిత్రం షూట్ లో జాయిన్ అవుతున్నట్టు సమాచారం. ఎప్పుడు ఆర్ఆర్ఆర్ మూవీ షూటింగ్ అయిపోతుందో…థియేటర్లకు ఎప్పుడు వస్తుందో అని ఫాన్స్ ఎదురు చూస్తున్నారు.
‘ఆర్ఆర్ఆర్’ షూటింగ్ కోసం అలియా భట్ వచ్చేస్తుంది
