ప్రస్తుతం సెకండ్ వేవ్ లో కరోనా కల్లోలం సృష్టిస్తున్న విషయం తెలిసిందే. వారు వీరు అనే తేడా లేకుండా అందరికి సోకుతుంది ఈ వైరస్. ప్రజలు అంతా దానికి స‌మాన‌మే అనే రీతితో పంజా విసురుతూనే ఉంది. ఈ వైరస్ అందరికీ సోకుతోంది. అయితే తాజాగా టీం ఇండియా క్రికెటర్ రవిచంద్రన్ అశ్విన్ ఇంట్లో కరోనా కల్లోలం సృష్టిస్తోంది. అశ్విన్ ఇంట్లో ఏకంగా 10 మందికి కరోనా సోకింది. ఈ విషయాన్ని స్వయంగా అశ్విన్ భార్య ప్రీతి ట్విటర్ లో పేర్కొంది. “ఒకే వారంలో ఇంట్లోని ఆరుగురు పెద్దవాళ్ళు, నలుగురు పిల్లలకు పాజిటివ్ గా తేలింది పిల్లల వల్ల అందరికీ కరోనా సోకింది. అందుకే గతవారం ఓ పేడకలలా గడిచింది. అందరూ జాగ్రత్తగా ఉండండి. టీకా తీసుకోండి.” అని అశ్విన్ భార్య ప్రీతి ట్వీట్ చేసింది. కాగా కరోనా నేపథ్యంలో ఇప్పటికే అశ్విన్ ఐపిఎల్ 2021 నుంచి తప్పుకున్న విషయం తెలిసిందే.
అశ్విన్ కుటుంబంలో కరోనా కలకలం.. ఏకంగా 10 మందికి పాజిటివ్
