telugu navyamedia
telugu cinema news

విజయనిర్మల మృతికి టాలీవుడ్ ప్రముఖుల సంతాపం

Vijayanirmala

టాలీవుడ్ నటి, దర్శకురాలు విజయ నిర్మల మృతి చెందారు. విజయ నిర్మల గత రాత్రి గుండెపోటుతో గచ్చిబౌలిలోని కాంటినెంటల్ ఆసుపత్రిలో మృతి చెందారు. ఆమె పార్థివదేహాన్ని ఉదయం 11 గంటలకు నానక్‌రామ్‌గూడలోని ఆమె స్వగృహానికి తీసుకొస్తారు. అభిమానుల సందర్శనార్థం నేడు అక్కడే ఉంచి రేపు ఉదయం ఫిలించాంబర్‌కు తరలిస్తారు. శుక్రవారం మ‌హా ప్ర‌స్థానంలో విజయ నిర్మల అంత్యక్రియలు జరగనున్నాయి. విజ‌య‌నిర్మ‌ల మృతి ప‌ట్ల సినీ ప్ర‌ముఖులు సంతాపం వ్య‌క్తం చేస్తున్నారు. తెలుగు సినీ పరిశ్ర‌మ‌కు ఆమె చేసిన సేవ‌ల‌ను గుర్తుకు తెచ్చుకుంటున్నారు.

ఎన్టీయార్‌ : ఎంతో మందికి స్ఫూర్తిగా నిలిచిన విజ‌య నిర్మ‌ల‌గారు చాలా గొప్ప సినీ రూప‌క‌ర్త. ఆమె మ‌ర‌ణ వార్త నాకు చాలా బాధ క‌లిగించింది. ఆమె కుటుంబానికి నా ప్ర‌గాఢ సానుభూతి తెలుపుతున్నా.

మారుతి : ప‌ద‌కొండు సంవ‌త్స‌రాల‌కే న‌టిగా తెలుగు సినీ ప‌రిశ్ర‌మ‌ను త‌న కుటుంబంగా చేసుకున్న మ‌హాన‌టి, గొప్ప ద‌ర్శ‌కురాలు విజ‌య‌నిర్మ‌లగారి హ‌ఠాన్మ‌ర‌ణం న‌న్ను షాక్‌కు గురి చేసింది. తెలుగు సినిమా అంటే మ‌గ‌వారి ఆధిక్య‌త ఉంటుంద‌ని చెప్పుకునే ఆ రోజుల్లోనే మ‌హిళా ద‌ర్శ‌కురాలిగా త‌న స‌త్తా చాటిన విజ‌య‌నిర్మాల‌గారు చ‌రిత్ర‌లో ఎప్పటికీ నిలిచిపోతారు.

అల్లరి నరేశ్ : చిత్ర పరిశ్రమకు విజయ నిర్మల మూలస్తంభం లాంటివారు. నటిగా, దర్శకురాలిగా ఎందరికో స్ఫూర్తిగా నిలిచారు. ఆమె మరణం తీరని లోటు.

నితిన్‌ : విజయ నిర్మలగారు అప్పుడే వెళ్లిపోవడం బాధాకరం. తెలుగు చిత్ర పరిశ్రమకు తీరని లోటు.

శ్రీను వైట్ల : ఎంతటి బాధాకరమైన విషయం. మిమ్మల్ని చాలా మిస్సవుతాం మేడమ్‌. మా పట్ల మీరు చూపించిన ప్రేమను ఎప్పటికీ మర్చిపోలేం.

మంచు మనోజ్‌ : మీరు ఇండస్ట్రీకి వచ్చి చరిత్ర సృష్టించారు. ఇప్పుడు మీరు వెళ్లిపోయారు. మిమ్మల్ని మిస్సవుతాం నానీ. మీ సినిమాలు మా హృదయాల్లో ఎప్పటికీ నిలిచిపోతాయి.

Related posts

నాని “టక్ జగదీష్” ప్రారంభం

vimala p

అడల్ట్ హీరోయిన్ పై ట్రోలింగ్… ఘాటుగా స్పందించిన హాటు భామ

vimala p

యూఎస్ లో భారీ వసూళ్లు కొల్లగొడుతున్న “సాహో”

vimala p