విక్రమ్, అమృత చౌదరి హీరోహీరోయిన్లుగా రూపొందుతోన్న చిత్రం ‘విక్కీ ది రాక్‌స్టార్’. గతంలో ఎప్పుడూ టచ్ చేయని వైవిద్యభరితమైన కథాంశానికి, హై ప్రొడక్షన్ వాల్యూస్ జోడించి డైరెక్టర్ సి. ఎస్ గంటా. వర్దిని నూతలపాటి సమర్పణలో ఈ చిత్రాన్ని లెఫ్టినెంట్ శ్రీనివాస్ నూతలపాటి నిర్మిస్తున్నారు.
ఈ సినిమా షూటింగ్ ఇప్పటికే పూర్తి చేసుకుని ప్రస్తుతం పోస్ట్ ప్రొడక్షన్ వర్క్ జరుపుకుంటోంది. ఈ నేపథ్యంలోనే ‘విక్కీ: ది రాక్ స్టార్’ ఫస్ట్ లుక్ పోస్టర్, మోషన్ పోస్టర్ వీడియోను రిలీజ్ చేశారు. ఈ మోషన్ పోస్టర్ ఆసక్తికరంగా ఉండటమే కాకుండా సినిమాపై అంచనాలను రెట్టింపు చేసేలా ఉంది.
నేల పై సాగు చేసే రైతు ఆకాశం వైపుకి , ఆకాశమే హద్దు గా భావించే యువత నేల వైపుకి , ఒక వైపు నాగలితో రైతన్న, మరో వైపు గిటార్ తో ‘విక్కీ : ది రాక్ స్టార్’ రైతు కాలికి ముద్దు పెడుతూ ఉన్న ఈ పోస్టర్ చాలా ఆకర్షణీయంగా ఉంది. ‘నీ కాళ్ళకే ముద్దులె పెట్టనా ఫార్మర్’ అంటూ బాక్ గ్రాండ్ లో వస్తున్న లిరిక్ హృదయానికి హత్తుకునేలా ఉంది.
ఈ తరం యువతరాన్ని దృష్టిలో పెట్టుకుని రూపొందించారు . పలు హిట్ సినిమాలకు సునీల్ కశ్యప్ సంగీతాన్ని అందిస్తున్న ఈ చిత్రానికి భాస్కర్ సినిమాటోగ్రాఫర్‌‌గా వ్యవహరిస్తున్నారు. త్వరలోనే చిత్ర విడుదల తేదీని మేకర్స్ ప్రకటించనున్నారు.