వాల్మీకి అప్డేట్ : సెట్స్ లో అడుగుపెట్టిన ఈ బ్యూటీ ఎవరో చెప్పుకోండి

హ‌రీష్ శంక‌ర్ దర్శకత్వంలో వ‌రుణ్ తేజ్ ప్రధాన పాత్రలో రూపొందుతున్న చిత్రం “వాల్మీకి”. ఈ చిత్రంలో పూజా హెగ్డే క‌థానాయిక‌గా నటిస్తోంది. ఈ చిత్రానికి మిక్కి జె మేయర్ సంగీతం అందిస్తున్నారు. 14 రీల్స్ సంస్థపై రామ్ ఆచంట, గోపి ఆచంటలు సంయుక్తంగా ఈ చిత్రాన్ని నిర్మిస్తున్నారు. ఈ చిత్రాన్ని సెప్టెంబ‌ర్ 13న విడుద‌ల చేయ‌నున్న‌ట్టు పోస్ట‌ర్ ద్వారా తెలిపారు మేక‌ర్స్. ఇప్ప‌టికే చిత్రానికి సంబంధించి విడుద‌లైన పోస్ట‌ర్, టీజ‌ర్స్‌ని బ‌ట్టి చూస్తుంటే ఈ చిత్రం ప్రేక్ష‌కుల‌కి మంచి ఎంట‌ర్‌టైనర్‌ని అందిస్తుంద‌ని ఖ‌చ్చితంగా చెప్ప‌వ‌చ్చు. క్రూరమైన లుక్‌తో, గుబురు గడ్డం.. మాసిన జుట్టుతో కళ్లకు కాటుక పెట్టుకుని, ముఖంపై గాట్లుతో క‌రుడు గ‌ట్టిన వ్య‌క్తిలా వ‌రుణ్ అద‌రగొడుతున్నాడు . మాస్ ప్రేక్ష‌కుల‌కి ఈ చిత్రాన్ని మ‌రింత ద‌గ్గ‌ర‌గా చేర్చేందుకు ఇందులో ఒక ఐట‌మ్ సాంగ్‌ని కూడా పెడుతున్నారు. ఈ ఐట‌మ్ సాంగ్‌లో డింపుల్ హ‌యాతి అనే తెలుగ‌మ్మాయి త‌న స్టెప్పుల‌తో అద‌ర‌గొట్ట‌నుంద‌ట‌. ఈ అమ్మాయి ప్రభుదేవ, తమన్నాలు నటించిన ‘దేవి-2’లో కీల‌క పాత్ర పోషించింది. వాల్మీకి చిత్రం తమిళంలో సంచలన విజయం సాధించిన “జిగర్తాండ” చిత్రానికి రీమేక్‌గా రూపొందుతుంది. తాజాగా హ‌రీష్ శంక‌ర్ ఈ అమ్మాయిని ప‌ల్లెటూరి గెట‌ప్‌లోకి మార్చి వెనుక నుండి తీసిన ఫోటోని షేర్ చేశాడు. “సెట్స్‌లోకి అడుగుపెట్టిన ఈ అమ్మాయి ఎవ‌రో చెప్పుకోండి ?” అని కామెంట్ పెట్టాడు. నెటిజన్స్ కొంద‌రు పూజా హెగ్డే అని కామెంట్స్ పెడుతుండ‌గా, మ‌రి కొంద‌రు డింపుల్ హ‌యాతి అని ట్వీట్స్ చేస్తున్నారు. త్వ‌ర‌లోనే దీనిపై క్లారిటీ రానుంది. ఈ చిత్రానికి మిక్కి జె మేయర్ సంగీతం అందిస్తున్నారు.