ప్రముఖ హీరో నితిన్ టైటిల్ రోల్ పోషించిన ‘భీష్మ’ మూవీ ఫిబ్రవరి 21న విడుదలై ఘన విజయం సాధించింది. కథానాయకుడు నితిన్ కెరీర్ లోనే బిగ్గెస్ట్ హిట్ గా నిలచింది ఈ చిత్రం. ప్రసిద్ధ చిత్ర నిర్మాణ సంస్థ సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మించిన ఈ చిత్రంలో రష్మికా మందన్న నాయిక. వెంకీ కుడుముల దర్శకుడు. ఈ ఇద్దరి కెరియర్లోను ఈ సినిమా చెప్పుకోదగినదిగా నిలిచింది. ఈ చిత్రం బాక్సాఫీస్ దగ్గర అద్భుత విజయాన్ని అందుకొని నితిన్ కు సాలిడ్ కం బ్యాక్ హిట్ గా నిలవడమే కాకుండా ఈ ఏడాది లో నిలిచిన ఆఖరి హిట్ చిత్రంగా కూడా నిలిచింది. అయితే క్లీన్ ఫ్యామిలీ ఎంటర్టైనర్ గా బిగ్ స్క్రీన్ పై అలరించిన ఈ చిత్రం తాలూకా టెలివిజన్ ప్రీమియర్ కు మాత్రం ఊహించని టీఆర్పీనే వచ్చింది. గత కొన్ని రోజుల క్రితం జెమినీ టీవిలో ప్రసారమైన ఈ చిత్రానికి కేవలం 6.65 టీఆర్పీ మాత్రమే రావడం గమనార్హం. ఇలాంటి సినిమాకు ఇలాంటి రేటింగ్ రావడం అనేది నితిన్ అభిమానులకు కాస్త డిజప్పాయింటింగ్ అంశమే.
నితిన్ “భీష్మ”కు ఊహించని రేటింగ్
జీవితాలతో చెలగాటాలాడొద్దు ప్రకాష్ రాజ్..