బొప్పాయితో ఆ సమస్యలకు చెక్!
బొప్పాయి రుచిగా ఉండటమే కాదు.. మన ఆరోగ్యానికి ఎంతో మేలు చేస్తుంది. బొప్పాయితో ఎన్నో ఆరోగ్యప్రయోజనాలున్నాయి. ముఖ్యంగా మహిళలు ఈ పండ్లను తప్పనిసరిగా తినాలి.రుతుక్ర‌మ స‌మ‌స్య‌లుతో బాధ‌ప‌డేవారికి ఇది మంచి ఔష‌దం. హార్ట్ ఎటాక్‌, హైబిపి, స్టోక్ వంటి గుండె సంబంధిత వ్యాధుల‌కు బొబ్బాయి బాగా ప‌నిచేస్తుంది. అంతాకాకుండా ఇందులో ఉండే పీచుప‌దార్ధం కొల‌స్ర్టాల్ స్థాయిని త‌గ్గిస్తుంది. న‌రాల బ‌ల‌హీన‌త‌తో బాధ‌ప‌డేవారికి ఇది ఒక మంచి టానిక్‌.
అరుగుదల సమస్యలు ఉన్నవారు బొప్పాయిని తినడం వల్ల ఆ సమస్యకు చెక్ పెట్టవచ్చు. ఇందులోని పపెయిన్‌ అనే ఎంజైమ్‌ అరుగుదల ప్రక్రియను వేగవంతం చేస్తుంది. బొప్పాయిలో పీచు శాతం ఎక్కువగా ఉంటుంది. శరీరంలోని వ్యర్థాలు బయటకెళ్లి.. చర్మం నిగారింపుతో కనిపిస్తుంది.రుమటాయిడ్‌ ఆర్థరైటిస్‌, ఎడిమా వంటి సమస్యలతో బాధపడేవారు బొప్పాయిని ప్రతిరోజు తీసుకోవాలి. ఇందులోని ఎ, సీ విటమిన్లు, కాపర్‌, మెగ్నీషియం, పొటాషియం వంటి ఖనిజాలు పుష్కలంగా ఉంటాయి. బొప్పాయిని తీసుకోవడం వల్ల పోషకాహార లోపం కూడా తగ్గుతుంది.
గుండె వ్యాధులు ఉన్నవారు బొప్పాయిని తినడం మంచిది. మధుమేహము కూడా అదుపులో ఉంటుంది. అధిక రక్తపోటుని బొప్పాయి అదుపులో ఉంచుతుంది.బొప్పాయి ముక్కలను పాలతో కలిపి ఉదయం పూట అల్పాహారంగా తీసుకోవాలి. అలా చేస్తే బాలింతల్లో పాలు పడతాయి. ఇందులోని పోషకాలు నెలసరి క్రమంగా వచ్చేలా చేస్తాయి. పచ్చిబొప్పాయిని రుతురోజుల్లో మినహా మిగిలిన సమయంలో తింటే గర్భాశయం ఆరోగ్యంగా ఉంటుంది.