నటరత్న ఎన్.టి. రామారావు గారు నటించిన జానపద చిత్రం శేఖర్ ఫిలిమ్స్ వారి “భామా విజయం”
29-06-1967 విడుదలయ్యింది.
కాశీమజిలీ కథలలో అత్యంత ప్రాచుర్యం పొందిన “గొల్లభామ” కథ ఆధారంగా నిర్మాతలు సోమశేఖర్, రాధాకృష్ణ లు శేఖర్ ఫిలిమ్స్ పతాకంపై ప్రముఖ దర్శకులు సి.పుల్లయ్య గారి దర్శకత్వంలో ఈ చిత్రాన్ని నిర్మించారు.
ఈ చిత్రానికి కథ, స్క్రీన్ ప్లే: సోమశేఖర్, మాటలు: సముద్రాల రామానుజాచార్య (జూనియర్), సంగీతం: టి.వి.రాజు, పాటలు: సి.నారాయణరెడ్డి,సముద్రాల రాఘవాచార్య(సీనియర్),సముద్రాల రామానుజాచార్య (జూనియర్) , ఛాయాగ్రహణం: రవికాంత్ నగాయిచ్, కె.ఎస్.ప్రసాద్, కళ: కుదరవల్లి నాగేశ్వరరావు, నృత్యం: చిన్ని-సంపత్, పసుమర్తి కృష్ణమూర్తి, కూర్పు: ఎస్.పి.ఎస్.వీరప్ప, అందించారు.
ఈ చిత్రంలో ఎన్.టి. రామారావు, దేవిక, ఎల్.విజయలక్ష్మి, విజయనిర్మల, రేలంగి, గిరిజ, ధూళిపాళ్ల, ముక్కామల, నాగయ్య, ఋష్యేంద్రమణి, రాజనాల, పుష్పవల్లి, రాజబాబు తదితరులు నటించారు.
ప్రఖ్యాత సంగీత దర్శకుడు టి.వి.రాజు గారి స్వరకల్పనలో
“పైరు గాలి వీచింది,పైట కొంగు తొలిగింది”
“రెండు చందమామలు ఈ రేయి వెలిగెనే”
“రారా సుందరా,ఇటు రారా సుందరా”
“మగరాయా, మగరాయా నిను చూడ చూడ”
వంటి పాటలు, పద్యాలు శ్రోతలను ఆకట్టుకున్నాయి.
మంచి కథనంతో ప్రేక్షకులను ఆకట్టుకున్న ఈ చిత్రం విజయం సాధించి శతదినోత్సవం జరుపుకున్నది.
ఈచిత్రం విడుదలైన పలు కేంద్రాలలో 50 రోజులు, ఒక కేంద్రంలో (రాజమండ్రి – వెంకటనాగదేవి టాకీస్) లో 100 రోజులు ప్రదర్శింపబడింది.
రాజమండ్రి లో డిసెంబరు 21 వ తేదిన ఈ చిత్రం శతదినోత్సవం ఫంక్షన్ ను నిర్మాతలు, డిస్త్రిబ్యూటర్స్ నిర్వహించారు.
ఈ సినిమాకు మొదట నిర్ణయించిన “గొల్లభామ” టైటిల్ వివాదాస్పదం కావటంతో “భామావిజయం” గా
పేరు ను మార్చి విడుదల చేయటం జరిగింది. ప్రఖ్యాత దర్శకులు సి.పుల్లయ్య గారు దర్శకత్వం వహించిన చివరి సినిమా ఇదే కావటం విశేషం..
హృతిక్ రోషన్ పై కంగనా వ్యాఖ్యలు