రకుల్ ప్రీత్ సింగ్, సారా అలీఖాన్ లకు సమంత సపోర్ట్

సుశాంత్ అనుమానాస్ప‌ద మృతి కేసులో డ్ర‌గ్స్ కోణం బ‌య‌ట ప‌డ‌టంతో నార్కోటిక్ కంట్రోల్ బ్యూరో రంగంలోకి దిగి రియా చ‌క్ర‌వ‌ర్తిని, ఆమె సోద‌రుడు స‌హా మ‌రికొంత మందిని అరెస్ట్ చేసింది. ఈ వ్య‌వ‌హారంలో బాలీవుడ్ హీరోయిన్ సారా అలీఖాన్‌, టాలీవుడ్ హీరోయిన్ ర‌కుల్ ప్రీత్ సింగ్ పేర్ల‌ను రియా వెల్ల‌డించిన‌ట్లు వార్త‌లు వైరల్ అయ్యాయి. నెటిజ‌న్స్ కొంద‌రు సారా, ర‌కుల్‌ల‌పై విమ‌ర్శ‌కులు కూడా చేశారు. అయితే ఎన్‌సీబీ ఈ పుకార్ల‌ పై స్పందించింది. ఎన్‌సీబీ డిప్యూటీ డైరెక్ట‌ర్ కేపీఎస్ మ‌ల్హోత్రా ఈ విష‌యంపై స్పందిస్తూ.. “మాదక ద్రవ్యాల సరఫరా చేసే ముఠా వివరాలను సేకరించాం. బాలీవుడ్ ప్రముఖుల జాబితాను మేం సిద్ధం చేసుకోలేదు. కానీ అందరూ దాన్ని బాలీవుడ్ ప్రముఖుల లిస్టుగా అపార్థం చేసుకున్నారు” అన్నారు. డ్రగ్స్ వ్యవహారంతో సారా అలీఖాన్, రకుల్ ప్రీత్ సింగ్ పేర్లు లేవని తెలియడంతో నెటిజన్స్, సారా అలీఖాన్, రకుల్ ప్రీత్‌సింగ్‌ల‌కు క్ష‌మాప‌ణ‌లు చెబుతున్నారు. ఈ నేప‌థ్యంలో కొంద‌రు పోస్ట్ చేసిన పోస్ట్‌ల‌ను ఇన్‌స్టా స్టోరీస్‌లో స‌మంత షేర్ చేసి సారా అలీఖాన్‌, ర‌కుల్ ప్రీత్‌సింగ్‌కు స‌పోర్ట్ చేశారు స‌మంత‌.