దేశవ్యాప్తంగా అన్ని భాషలలో అత్యధిక ఆదరణ పొందుతున్న రియాలిటీ షో “బిగ్ బాస్”. తెలుగు బిగ్ బాస్ సీజన్ 3 త్వరలో ప్రేక్షకుల ముందుకు రానుండగా… బాలీవుడ్ లో ఈ షో సీజన్ 13 సెప్టెంబర్ 29న మొదలు కానుంది. అయితే ఈ సారి కూడా బాలీవుడ్ బిగ్ బాస్ కు సల్మాన్ వ్యాఖ్యాతగా వ్యవహరించబోతున్నాడు. 2010లో బిగ్ బాస్ హోస్ట్ గా బుల్లితెరపై అడుగుపెట్టిన సల్మాన్ కు ఇది 10వ సీజన్ కానుంది. మధ్యలో కొంతమంది సల్మాన్ కి పోటీ ఇవ్వడానికి వచ్చినప్పటికీ షోలు అంతగా రేటింగ్ దక్కించుకోలేకపోయాయి. మళ్ళీ సల్మాన్ అయితేనే “బిగ్ బాస్”కు బెస్ట్ అని నిర్వాహకులు అతనికి అడిగినంత రెమ్యూనరేషన్ ఇస్తూ వస్తున్నారు. ఇక ఇప్పుడు 13వ సీజన్ కోసం సల్మాన్ కి బిగ్ బాస్ నిర్వాహకులు సల్మాన్ కు ఏకంగా 403 కోట్ల రెమ్యునరేషన్ ని ఇవ్వనున్నారని టాక్ నడుస్తోంది. అంటే సల్మాన్ ఎపిసోడ్ కి 31కోట్ల వరకు డిమాండ్ చేస్తున్నాడట. జరిగే 26 ఎపిసోడ్లకు సల్మాన్ ఈ విధమైన రేటు చెప్పడం హాట్ టాపిక్ గా మారింది. మరో హీరోతో వర్క్ చేద్దామంటే సల్మాన్ రేంజ్ లో ఎవరు షోని లీడ్ చేయలేకపోతున్నారు. అందుకే చేసేదేమి లేక అడిగినంత ఇచ్చేస్తున్నట్లు రూమర్స్ వినిపిస్తున్నాయి. మరి ఈ విషయం తేలాలంటే సల్మాన్ స్పందించాల్సిందే.
షాకింగ్ రెమ్యూనరేషన్… “బిగ్ బాస్” హోస్ట్ కు 400 కోట్లు
