కేరళ కుట్టి పూర్ణ 2007లో “శ్రీ మహాలక్ష్మి” సినిమాతో టాలీవుడ్‌లోకి ఎంట్రీ ఇచ్చింది. ఆపై “అవును” చిత్రంతో మంచి గుర్తింపును తెచ్చుకుంది. తమిళ, మళయాలంలో మంచి పాత్రలను పోషించి అక్కడి ప్రేక్షకులను కూడా ఆకట్టుకుంది. ప్రస్తుతం ఈ అమ్మడు సినిమాలు లేక ఓ డ్యాన్స్ షో జడ్జ్ గా వ్యవహరిస్తోంది. ప్రస్తుతం నంది అవార్డు గ్రహీత కర్రి బాలాజీ దర్శకత్వంలో రూపొందుతున్న విభిన్న కథాచిత్రం ‘బ్యాక్ డోర్’. ప్రముఖ కథానాయకి పూర్ణ ప్రధాన పాత్ర పోషిస్తుంది. ఈ వినూత్న కథా చిత్రాన్ని.. ‘ఆర్కిడ్ ఫిలిం స్టూడియోస్’ పతాకంపై బి.శ్రీనివాస్ రెడ్డి నిర్మిస్తున్నారు. యువ కథానాయకుడు తేజ త్రిపురణ మరో ముఖ్య పాత్ర పోషిస్తున్న ఈ చిత్రం షూటింగ్ పూర్తి చేసుకుంది. అయితే.. తాజాగా కళ్యాణ్‌జీ దర్శకత్వంలో పూర్ణ కీలక పాత్రలో నటిస్తున్న చిత్రం సుందరి. కుటుంబ కథాంశంతో లేడీ ఓరియెంటెడ్‌ సినిమాగా ఈ సినిమా రూపొందుతోంది. ఇటీవలే విడుదలైన సుందరి ఫ్రి లుక్ పోస్టర్‌ ప్రేక్షకులను ఆకట్టుకుంది. ఈ పోస్టర్‌లో సంప్రదాయ నృత్యం చేస్తూ పూర్ణ కనిపించింది. తాజాగా సుందరి లిరికల్‌ వీడియోను రిలీజ్‌ చేసింది చిత్ర బృందం. ఆ వీడియోలో పూర్ణ ఎంతో అందంగా కనిపిస్తోంది.
previous post
next post