21 ఏళ్ల క్రితం పశ్చిమ బెంగాల్ ముఖ్యమంత్రి మమతా బెనర్జీ ‘కాంగ్రెస్’ పార్టీని వీడారు. 1998లో ఆల్ ఇండియా ‘తృణమూల్ కాంగ్రెస్’ పార్టీని స్థాపించారు. నాడు పార్టీ లోగోలో తృణమూల్ కాంగ్రెస్ అని రాయించారు. కానీ ఇప్పుడు ఆ లోగోలో కాంగ్రెస్ అనే పదాన్ని తొలగించి.. తృణమూల్‌ను మాత్రమే ఉంచారు. తృణమూల్‌ను ఆకుపచ్చ రంగుతో రాయించగా, ఫ్లవర్స్ వెనుకాల మాత్రం నీలం రంగును ఉంచారు.
ఆ పార్టీ నాయకుడు లోగో మార్పునకు సమయం ఆసన్నమైనందునే ఇలా చేయాల్సి వచ్చిందని తెలిపారు. పార్టీ బ్యానర్లు, పోస్టర్లతో పాటు ఇతర సామాగ్రిపై కూడా కేవలం ‘తృణమూల్’ అని మాత్రమే రాయించడం విశేషం. దీనితో జాతీయ కూటమి ఏర్పాటుపై మమత అభిప్రాయం తెలిసిపోతుంది.