అండర్ వరల్డ్ డాన్ దావూద్ తో హీరోయిన్ ఎఫైర్…!

అండర్ వరల్డ్ డాన్, 1993 ముంబై పేలుళ్ల సూత్రధారి దావూద్ ఇబ్రహీం ఓ పాకిస్థానీ నటితో ఎఫైర్ నడుపుతున్నాడనే వార్త సోషల్ మీడియాలో హాట్ టాపిక్ గా మారింది. దావూద్ ఇబ్రహీంకు పాకిస్థాన్ చిత్ర పరిశ్రమతోపాటు పాక్ సినీనటి 37 ఏళ్ల మెహ్విష్ హయత్ తో సంబంధాలున్నాయని, ఆయన వారితో క్రమం తప్పకుండా సంప్రదింపులు జరుపుతున్నాడని తాజాగా వెల్లడైంది. ఐటం గర్ల్ గా తన సినీ కెరీర్ ప్రారంభించిన మెహ్విష్… దావూద్ ఇబ్రహీం దృష్టిని ఆకర్షించిందని, దావూద్ తో సంబంధాల వల్లనే ఆమెకు పలు పెద్ద సినిమాల్లో అవకాశాలు లభించాయని సమాచారం. అంతేకాదు చిన్న చిన్న పాత్రాలు చేసే ఈమెకు 2009లో పాక్ ప్రభుత్వం ప్రతిష్ఠాత్మక ‘తమ్-గా-ఏ-ఇంతియాజ్’ అవార్డును కూడా ప్రకటించింది. భారతదేశం నుంచి పారిపోయిన దావూద్ పాకిస్థాన్ దేశంలోని కరాచీ నగరంలోని ఓ బంగ్లాలో నివాసముంటున్నట్లు తెలుస్తోంది. గతంలో ముంబై నగరంలో దావూద్ నివాసమున్నపుడు కూడా బాలీవుడ్ సినీనటులతో సన్నిహిత సంబంధాలుండేవి. అప్పట్లో దావూద్ పలు బాలీవుడ్ సినిమాల్లోనూ పెట్టుబడులు పెట్టాడు. పలువురు బాలీవుడ్ నటులు దావూద్ ఇంట్లో జరిగిన విందులకు సైతం హాజరయ్యారు.