తాజాగా పవన్ కళ్యాణ్ ఫ్యాన్స్ వర్సెస్ వర్మల మధ్య హాట్ హాట్ వార్ నడుస్తున్న తరుణంలో తనదైన శైలిలో రియాక్ట్ అయ్యింది మాధవీలత. పవన్ కళ్యాణ్ను టార్గెట్ చేస్తూ వర్మ.. ‘పవర్ స్టార్’ అనే చిత్రాన్ని రూపొందించి ట్రైలర్ను కూడా విడుదల చేసిన విషయం తెలిసిందే. అయితే ఈ ట్రైలర్లో పవన్ కళ్యాణ్ పొలిటికల్ జర్నీపైనే కాకుండా ఆయన వ్యక్తిగత జీవిత విషయాలను కూడా బయటకు లాగారు వర్మ. దీంతో పవన్ అభిమానులు వర్మపై ఆగ్రహించారు. గురువారం నాడు వర్మ ఆఫీస్పై ఓయూ జేఏసీకి చెందిన పవన్ కళ్యాణ్ అభిమానులు దాడి చేయడంతో పోలీసులు కూడా రంగంలోకి దిగి పరిస్థితిని చక్కబెట్టినా.. వర్మ వర్సెస్ పవన్ ఫ్యాన్స్ మధ్య వార్ నడుస్తూనే ఉంది. ఈ తరుణంలో పవన్ కళ్యాణ్కి తొలి నుంచి విధేయురాలుగా ఉన్న మాధవీలత ఫర్ ఎవర్ పీకే లవ్స్ అంటూ వర్మను ఏకిపారేస్తూ ఫేస్ బుక్లో పోస్ట్ పెట్టింది. “ఆయన మీద వ్యక్తిగత పగ ఎందుకు?? తొక్కలో సినిమా కథలు రాసుకోవడం ఎందుకు?? ఒక స్టేటస్ ఒక లెవల్ మెయిన్టైన్ చేసేవాళ్లు.. అలానే ఉండాలి కాని.. కదేదీ కవితకు అనర్హం అన్నట్లు మొన్న ఒక ఆడిపిల్ల కథ మీద సినిమా అనుకున్నాడు.. ఇప్పుడు ఏం పాపం చేశాడని పీకే మీద పనికి మాలిని సినిమా?? వర్మా.. ఏంటి నీకీ కర్మ?? ప్రజల మంచి కోరుకునే మంచి మనిషి.. నీకు పర్శనల్గా ఆయనపై పగ ఉంటే.. అతనితో తేల్చుకో. చేతకాని కహానీ ఎందుకు? అయినా ఆయన్ని ఏమీ పీకలేని వాళ్లు ఆయన వ్యక్తిగత జీవితం మీద పడి ఏడుస్తున్నారు” అంటూ మాధవీలత వర్మపై ఓ రేంజ్లో ఫైర్ అయ్యింది. అయితే మాధవీలత ఎలాంటి పోస్ట్ పెట్టినా.. ఆమెను టార్గెట్ చేస్తూ నెగిటివ్ కామెంట్స్ చేసే బ్యాచ్ చాలా మందే ఉండటంతో.. మాధవీలత ఈ పోస్ట్కి గమనికను కూడా జతచేసి.. తనపై కామెంట్ చేసేవాళ్లని కుక్కలతో పోల్చింది. ‘గమనిక.. నా ఫేస్ బుక్ డాగ్స్కి ముక్కల పండగ.. ఇక మొదలు పెట్టండి మొరగడం’ అంటూ ఘాటుగా స్పందించింది.
నా ఫేస్ బుక్ డాగ్స్కి ముక్కల పండగ.. మొదలు పెట్టండి మొరగడం… వర్మపై హీరోయిన్ ఫైర్
