అలీ అబ్బాస్ జాఫర్ దర్శకత్వంలో కండల వీరుడు సల్మాన్ ఖాన్, బాలీవుడ్ స్టార్ హీరోయిన్ కత్రినా కైఫ్ జంటగా నటించిన “భారత్” చిత్రం ఈద్ కానుకగా ప్రేక్షకుల ముందుకు వచ్చింది. ఈ సినిమా భారీ కలెక్షన్స్ తో హిట్ టాక్ తో దూసుకెళ్తోంది. సల్మాన్ కెరీర్ లోనే అత్యధిక ఓపెనింగ్ కలెక్షన్స్ సాధించింది”భారత్”. ఈ సినిమా రెండు రోజుల కలెక్షన్స్ 73 కోట్లకు చేరింది. సల్మాన్ కి ప్రతి ఏడాది ఈద్ సెంటిమెంట్ కలిసొచ్చినట్లుగానే ఈ ఏడాది రంజాన్ కూడా కలిసొచ్చింది. మొదటిరోజు “భారత్” సినిమా 42.30 కోట్లను కలెక్ట్ చేసింది. మూడో రోజున 28 కోట్లను వసూలు చేసింది. ఇలా ఈ సినిమా మూడు రోజుల్లోనే 100 కోట్ల క్లబ్ లోకి చేరిపోయింది. ఇంతటి భారీ విజయాన్ని అందించిన ప్రేక్షకులకు ట్విట్టర్ ద్వారా సల్మాన్ ధన్యవాదాలు తెలియజేశాడు.
100 కోట్ల క్లబ్బులో “భారత్”
