తెలుగు చిత్ర సీమలో బాల కృష్ణ రేంజ్ గురించి ప్రత్యేక పరిచయం అక్కర్లేదు. బాలయ్య అంటే పవర్ ప్యాక్ అని అతని అభిమానులు గర్వంగా చెప్పకుంటారు. దానికి తోడుగా బాలకృష్ణ కొత్త సినిమా అంటే చాలు ఫాన్స్ సంబరాలు జరుపుకుంటారు. మాస్ సినిమాల దగ్గర నుంచి క్లాస్ సినిమాల వరకు ఎటువంటి పాత్రలోకైనా పరాకాయ ప్రవేశం చేసినట్లు నటిస్తారు. ఇక బాలయ్య బాబు పవర్ఫుల్ డైలాగ్స్ గురించి ఏమని చెప్పాలి. అతడి డైలాగ్లకు ప్రత్యేక ఫ్యాన్ బేస్ అందంటేనే అర్థం చేసుకొవాలి. అయితే బాలయ్య సంతోష్ శ్రీనివాస్ దర్శకత్వంలో కొత్త సినిమా చేసేందుకు పచ్చజెండా ఊపిన సంగతి తెలిసిందే. ఈ సినిమాకు బాలరామయ్య బరిలోకి దిగితే అన్న పేరును ఖరారు చేశారు. దీంతో బాలయ్య ఖాతాలో మరో పవర్ ఫుల్ టైటిల్ చేరింది. ఈ సినిమాలో నందమూరి నట సింహం మరో పవర్ఫుల్ పాత్రలో కనిపించనున్నారు. అభిమానులు బాలయ్య బరిలోకి దిగితే బంతాటేనని సినిమా రేంజును ఊహిస్తున్నారు. దర్శకుడు బాలయ్యను మాస్ సీన్స్లో ఓ రేంజ్లో చూపిస్తాడన్న నమ్మకంతో అభిమానులు ఉన్నారు. ఈ సినిమాను అనిల్ సుంకర నిర్మిస్తున్నారు. అయితే ప్రస్తుతం బాలయ్య బోయపాటి దర్శకత్వంలో సినిమాను తెరకెక్కిస్తున్నారు. బోయపాటి సినిమా పూర్తయిన తరువాత సంతోష్ సినిమాను మొదలు చేయనున్నారు.
బాలయ్య మూవీకి టైటిల్ అదేనా !
