ప్రముఖ హాలీవుడ్ పాప్ సింగర్ డఫీ విషయంలో కూడా దారుణమైన చీకటి రోజులు ఉన్నట్లు చెప్పుకొచ్చింది. ఆమె చెప్పిన సంచలన విషయాలతో యావత్ హాలీవుడ్ పరిశ్రమ షాక్కు గురైంది. గ్రామీ అవార్డు విన్నర్ డఫీ తన లైఫ్లో జరిగిన ఓ దారుణ సంఘటనను బయటపెట్టింది.2009లో గ్రామీ అవార్డు దక్కించుకున్న డఫీ.. అత్యాచారానికి గురైందని తెలిపింది. అంతేకాదు..గత దశాబ్దకాలంగా తన జీవితంలో ఎన్నో చీకటి రోజులు ఉన్నాయని ఆవేదన వ్యక్తం చేసింది. తనపై జరిగిన ఈ దారుణ ఘటనను బయటపెట్టేందుకు ఇప్పటి వరకూ కరెక్ట్ రూట్ లభించలేదని.. ఇప్పుడిప్పుడే తన లైఫ్లో వెలుగులు విరజిల్లుతున్నాయని ఇన్స్ట్రాగ్రామ్ వేదికగా వెల్లడించింది. చాలాకాలం సంగీతానికి దూరంగా ఉండటానికి గల కారణలేంటని నన్ను ఎంతో మంది ప్రశ్నించారని.. ఆ డౌట్ మీకు కూడా రావచ్చని.. నా లైఫ్లో ఓ చేదు ఘటన వల్ల సంగీత ప్రపంచానికి దూరమయ్యానని పేర్కొంది. తాను అత్యాచారానికి గురయ్యానని.. అంతటితో ఆగకుండా తనను కొంత మంది డ్రగ్స్ ఇచ్చి.. బంధీగా ఉంచుకున్నారని పేర్కొంది. ఆ దారుణ ఘటన నుంచి కోలుకోవడానికి అనేక రోజులు పట్టిందని వాపోయింది. ఆ తర్వాత తాను తన గొంతుతో మళ్లీ పాడతానో లేదో అనే అనుమానం వచ్చిందని.. అందుకే పూర్తిగా దూరమైపోయినట్లు చెప్పుకొచ్చింది. ఇప్పుడు ఈ విషయం చెప్పడం సరైన సమయమో కాదో తనకు తెలీదని.. కానీ చెప్పాలనిపించి చెబుతున్నానంటూ డఫీ పేర్కొంది.
previous post