యంగ్టైగర్ ఎన్టీఆర్, మెగా పవర్ రామ్చరణ్ హీరోలుగా రాజమౌళి దర్శకత్వంలో తెరకెక్కిన ప్రతిష్ఠాత్మక సినిమా ‘ఆర్ఆర్ఆర్’. అల్లూరి సీతారామరాజు (నిప్పు) పాత్రలో రామ్చరణ్, కొమురం భీమ్ (నీరు)గా తారక్ నట విశ్వరూపం చూపించారు. వీరికి జంటగా ఇంగ్లీష్ నటీ ఒలివియా మోరీస్, హిందీ నటి ఆలియా భట్ నటించారు
మార్చి 25న ప్రపంచవ్యాప్తంగా విడుదలై ఈ సినిమా పాత రికార్డ్స్ను బ్రే క్ చేస్తూ కేక పెట్టిస్తోంది .అందులో భాగంగా ఈ సినిమా ప్రపంచవ్యాప్తంగా 1000 కోట్లకు పైగా వసూలు చేసింది.
ఇప్పటికే ఈ సినిమా నుంచి ఎత్తర జెండా, నాటు నాటు, కొమ్మ ఉయ్యాల వంటి పాటలు విడుదలై యూట్యూబ్లో కేక పెట్టిస్తోండగా.. తాజాగా దోస్తీ ఫుల్ వీడియో సాంగ్ యూట్యూబ్ లో రిలీజ్ చేశారు. ఎన్టీఆర్, చరణ్ ల స్నేహ బంధాన్ని వివరిస్తూ తెరకెక్కిన దోస్తీ సాంగ్ వైరల్ గా మారింది.
రామ్చరణ్, ఎన్టీఆర్ ఒకే ఫ్రేమ్లో కనిపించిన తీరు అందరినీ ఆకర్షించేలా ఉంది. విభిన్న ధృవాల మధ్య స్నేహం గురించి వివరించే ఈ పాటను సిరివెన్నెల సీతారామశాస్త్రి రచించగా హేమచంద్ర పాడారు. ఎం.ఎం.కీరవాణి స్వరాలందించారు.