కేరళ కుట్టి అనుపమా పరమేశ్వరన్కు తెలుగు, తమిళం, మలయాళంలో భారీగా ఫ్యాన్స్ ఉన్నారు. అయితే ఐదేళ్ల క్రితం మలయాళంలో వచ్చిన ‘ప్రేమమ్’ చిత్రం ద్వారా వెండితెరకు పరిచయమైన బ్యూటీ అనుపమ పరమేశ్వరన్. ఆ తర్వాత ఇన్నేళ్లలో కేవలం ఒకే ఒక్క మలయాళ సినిమా చేసింది. ఈ నేపథ్యంలో తాను మాతృభాషలో ఎందుకు ఎక్కువగా చేయడం లేదన్నది అనుపమ తాజాగా వివరించింది. “ప్రేమమ్ విడుదలైనప్పుడు నేను చాలా చిన్న పిల్లని. అప్పుడు నాకసలు ఏమీ తెలియదు. ఎవరో తెలిసున్న వాళ్లు చెబితే, ప్రమోషన్స్ సమయంలో మీడియాలో ఇంటర్వ్యూలు ఎక్కువగా ఇచ్చేశాను. దానికి తోడు, చిన్నపిల్లని కదా, సమాధానాలు కూడా ఏవేవో చెప్పేశాను. తీరా చూస్తే, ప్రేమమ్ సినిమాలో నాది చిన్న క్యారెక్టర్. దాంతో అందరూ నన్ను సోషల్ మీడియాలో ట్రోల్ చేయడం మొదలెట్టారు. ఇంటర్వ్యూలలో చాలా బిల్డప్ ఇచ్చానంటూ ట్రోల్ చేశారు. దాంతో బాగా అప్సెట్ అయ్యాను. అందుకే, మలయాళం సినిమాలకు దూరంగా వుండాలని అప్పుడే నిర్ణయించుకున్నాను. వచ్చిన సినిమాలను తిరస్కరించాను. ఇతర భాషలపై దృష్టి పెట్టాను.. అదే కారణం” అంటూ చెప్పుకొచ్చింది అనుపమ.
బాగా అప్సెట్ అయ్యాను… అందుకే మాతృ భాషలో సినిమాలకు దూరం : అనుపమ పరమేశ్వరన్
