వరుస హిట్లతో దూసుకుపోతున్న యంగ్ డైరెక్టర్ అట్లీ – తమిళ స్టార్ హీరో దళపతి విజయ్ తో మూడో ప్రయత్నంగా మహిళల ప్రాధాన్యత గురించి సబ్జెక్టు ఎంచుకొని ఈ సినిమా రూపొందించాడు. వీరిద్దరి కాంబినేషన్లో ఇదివరకే తేరి (పోలీసోడు).. మెర్సల్ (అదిరింది) సినిమాలు భారీ విజయాలు అందుకున్నాయి. అదే విధంగా ‘బిగిల్’ కూడా ఘన విజయాన్ని సొంత చేసుకుంది. ఇదిలా ఉంటే మనదగ్గర మూడు నెలలుగా థియేటర్స్ మూతబడిన విషయం తెలిసిందే. ఎప్పుడు రీ ఓపెన్ చేస్తారో కూడా తెలియదు. ఈ నేపథ్యంలో విదేశాలలో థియేటర్స్ ను ఓపెన్ చేసేందుకు ప్రణాళికలు సిద్ధం చేస్తున్నట్టు తెలుస్తుంది. ఈ క్రమంలో మన సినిమాలని కూడా విదేశాలలో రిలీజ్ చేస్తున్నారు. ఇప్పటికే అక్షయ్ కుమార్ ‘గుడ్ న్యూస్’ సినిమా దుబాయ్ లో రిలీజ్ చేశారు. ఇప్పుడు అదే బాటలో ఫ్రాన్స్, జర్మనీ దేశాలు కూడా విజయ్ సినిమా ‘బిగిల్’తో థియేటర్లు పునః ప్రారంభం చేయబోతున్నారు.
విదేశాల్లో విజయ్ సినిమాతో థియేటర్లు పునః ప్రారంభం
