ఇప్పటికే అనేకమంది శాస్త్రవేత్తలు కరోనా వైరస్ విరుగుడు కనిపెట్టేందుకు రాత్రింబవళ్ళు కష్టపడుతున్నారు. ఈ క్రమంలోనే పూణేకు చెందిన మైలా డిస్కవరీ డయాగ్నస్టిక్ ఫర్మ్ సక్సెస్ సాధించింది. దేశంలోనే తొలి కోవిడ్ 19 టెస్టింగ్ కిట్ డెవలప్ చేసింది. ఈ కిట్ ద్వారా తక్కువ సమయంలోనే కరోనా వైరస్ నిర్ధారణ పరీక్షలను నిర్వహించవచ్చు. ఇక ఈ కిట్ తయారీ వెనుక ఓ మహిళ శ్రమ, కృషి, పట్టుదల ఉంది.ఈమె గురించి ప్రత్యేకంగా చెప్పుకోవాలి. ఎందుకంటే.. కిట్ తయారు చేసే సమయంలో ఆమె గర్భిణి.. కొన్ని గంటల్లో డెలివరీ కావాల్సి ఉన్నా.. దేశం, ప్రజల శ్రేయస్సు కోసం టెస్టింగ్ కిట్ పై ప్రయోగాలు చేశారు.మినల్ ఓ వైరాలజిస్ట్. ఆమె మైల్యాబ్స్ లో రిసెర్చ్ అండ్ డెవలప్‌మెంట్ చీఫ్. ఈమె ఆధ్వర్యంలోనే కేవలం ఆరు వారాల్లోనే ఈ కరోనా వైరస్ టెస్టింగ్ కిట్ డెవలప్ చేయడం విశేషం. ఈ విషయంపై ఆమె మాట్లాడుతూ ‘ నేను ఇది ఓ సవాల్‌గా తీసుకున్నాను. ఈ కిట్ దేశానికీ చాలా అవసరం.. ఇలా నా దేశానికీ నేను సేవ చేశానని’ ఆమె తెలిపారు. మా బృందంలో మొత్తం 10 మంది ఉన్నాం. అందరం కూడా ఈ కిట్ తయారీకి తీవ్రంగా శ్రమించాం. ఇక ఈ కిట్ ద్వారా కేవలం రెండున్నర గంటల్లో కరోనా పరీక్షలు పూర్తవుతాయని స్పష్టం చేశారు. కాగా మైల్యాబ్స్ డిస్కవరీ సొల్యూషన్స్ చట్టబద్ధమైన ఆమోదం పొందటంతో రోజుకు 15 వేలకు పైగా కోవిడ్ టెస్టింగ్ కిట్లు తయారు చేస్తున్నారు.
దేశంలోనే తొలి కోవిడ్ 19 టెస్టింగ్ కిట్ … కిట్ తయారు చేసే సమయంలో ఆమె గర్భిణి
