బాలీవుడ్ సూపర్ స్టార్ సల్మాన్ ఖాన్ నటించిన “భారత్” సినిమాలో తాజాగా “జిందా…” అనే పాటను విడుదల చేశారు. ఈ సందర్భంగా ఓ ప్రెస్ మీట్ ఏర్పాటు చేశారు చిత్రబృందం. ఈ కార్యక్రమానికి సల్మాన్, కత్రినా కైఫ్ హాజరయ్యారు. ఈ క్రమంలో ఓ విలేకరి కత్రినాను ఉద్దేశిస్తూ “కత్రినా భాయ్ జాన్ సల్మాన్ తో కలిసి మరోసారి నటించడం మీకు ఎలా అనిపిస్తుంది..?” అని ప్రశ్నించారు. వెంటనే సల్మాన్ మైక్ అందుకొని “సర్.. నేను కత్రినాకు భాయ్ జాన్ కాను..” అని అన్నారు. తరువాత సదరు విలేకరి కత్రినాను “మీరు సల్మాన్ ని ‘భాయ్ జాన్’ అనడం ఆయనకు నచ్చడం లేదు.. మరి సల్మాన్ ను ఏమని పిలవాలనుకుంటున్నారు..?” అని అడగ్గా… మరోసారి సల్మాన్ స్పందిస్తూ “నన్ను కత్రినా భాయ్ జాన్ అని పిలవదు… కానీ “మేరీ జాన్” అని పిలుస్తుంది” అని అన్నారు. దీంతో అక్కడున్న వారంతా ఈలలు, కేకలు వేస్తూ సల్మాన్ ని ఆట పట్టించారు. ఇక సినిమాకు అలీ అబ్బాస్ జాఫర్ వహిస్తుండగా… రంజాన్ కానుకగా జూన్ 7న సినిమా విడుదల కానుంది.
కత్రినాకు నేను మేరీ జాన్… సల్మాన్ వ్యాఖ్యలు
