హైదరాబాద్ నాంపల్లిలోని రెడ్ హిల్స్లో గల తెలంగాణ స్టేట్ ఫోరెన్సిక్ సైన్స్ లాబొరేటరీ (FSL)లో భారీ అగ్ని ప్రమాదం చోటు చేసుకుంది.
ఇవాళ శనివారం ఉదయం భారీగా మంటలు చెలరేగి దట్టమైన పొగ వ్యాపించడంతో స్థానికులు భయాందోళనలకు గురయ్యారు.
వెంటనే ఘటనా స్థలానికి చేరుకున్న పోలీసులు అగ్నిమాపక శాఖకు సమాచారం అందించారు.
అగ్నిమాపక సిబ్బంది మంటలను అదుపులోకి తెచ్చేందుకు ప్రయత్నిస్తున్నారు.
ప్రమాదం జరిగిన సమయంలో ఇద్దరు సిబ్బంది భవనంలో ఉన్నారు. వారిలో ఒకరు గాయపడ్డారు. వెంటనే క్షతగాత్రుడిని సమీపంలోని ఆసుపత్రికి తరలించారు. మరొకరు సురక్షింతగా బయటపట్టారు.
ప్రస్తుతం ఆ ప్రాంతంలో ట్రాఫిక్ను పోలీసులు మళ్లిస్తున్నారు. ఈ ప్రయోగశాల నాంపల్లి పోలీస్ స్టేషన్ సమీపంలో ఉంది. అగ్ని ప్రమాదానికి గల కారణాలు తెలియాల్సి ఉంది.