ఫేర్ వెల్ పార్టీలో ఓ విద్యార్థితో కలసి స్కూల్ టీచర్ సరదాగా డ్యాన్స్ చేసిన వీడియో ఇన్ స్టా గ్రామ్ ను ఊపేస్తోంది.
“కుషల్ ఎంజే” పేరుతో ఓ యూజర్ అప్ లోడ్ చేసిన ఈ వీడియోకు ఇప్పటివరకు ఏకంగా 1.3 కోట్లకుపైగా వ్యూస్, 10 వేలకు పైగా కామెంట్లు వచ్చాయి.
ఆ వీడియోలో చీరకట్టులో ఉన్న ఓ టీచర్ తన విద్యార్థితో కలసి బాలీవుడ్ చిత్రం ఆషికీ–2లోని ‘తుమ్ హి హో’ పాటకు డ్యాన్స్ చేయడం కనిపించింది.
వారు డ్యాన్స్ చేస్తుండగా పక్కనున్న విద్యార్థులు తమ అరుపులు, కేకలతో మరింతగా ఉత్సాహపరిచారు.
ఈ వీడియో చూసిన చాలా మంది ఆ విద్యార్థిని అదృష్టవంతుడిగా అభివర్ణించారు.
అతను నా కలను అనుభూతి చెందుతున్నాడని ఓ యూజర్ కామెంట్ చేశాడు. మరో యూజర్ స్పందిస్తూ టీచర్ తో డ్యాన్స్ చేయాలన్న కల కలగానే మిగిలిపోయిందని ఆవేదన వ్యక్తం చేశాడు. ఇంకో యూజరేమో ‘నా స్కూల్ ఇలా ఎందుకు లేదు సోదరా?’ అని ప్రశ్నించాడు. ఇంకొకరేమో ఆ టీచర్ కచ్చితంగా ఇంగ్లిష్ మేడం అయ్యుంటుందన్నాడు.