వరల్డ్ బిగ్గెస్ట్ రియాలిటీ షో బిగ్ బాస్ సీజన్ 4 తొలి రోజు 16 మంది కంటెస్టెంట్స్ పరిచయంతో సెప్టెంబర్ 6 ప్రారంభమైంది. ఆదివారం సాయంత్రం 6 గంటలకు ప్రారంభమైన షో రాత్రి 9 వరకూ సాగింది. నాగార్జున కెరియర్ బెస్ట్ క్లాసిక్ సాంగ్స్‌తో రూపొందించిన బిగ్ బాస్ థీమ్ ఆకట్టుకుంది. ఇక కింగ్ నాగార్జున రెండు డిఫరెంట్ గెటప్‌లలో దర్శనం ఇచ్చారు. తండ్రీ కొడుకులు నాగార్జున సందడి చేశారు. వృద్ధుడి గెటప్‌లో కింగ్ అదరగొట్టారు. వీరిద్దరి మధ్య పంచ్‌లు, చమత్కారాలు ప్రేక్షకుల్ని అలరించాయి. ఇక ఇదే వేదికపై ‘స్టార్ మా’ కొత్తలోగోని ఆవిష్కరించి కంటెస్టెంట్స్‌ని ఆహ్వానించారు నాగార్జున.
1. మోనాల్ గుజ్జార్
బిగ్ బాస్ సీజన్ 4లో తొలి కంటెస్టెంట్ అడుగుపెట్టింది. హీరోయిన్ మోనాల్ గుజ్జార్. సుడిగాడు, బ్రదర్ ఆఫ్ బొమ్మాళీ, సుడిగాడుతో పాటు తెలుగులో 5 చిత్రాల్లో నటించిన మొనాల్ గుజ్జర్ తన పెర్ఫామెన్స్‌తో ఆకట్టుకుంది. తెలుగు సరిగా రాకపోయినా నేర్చుని తెలుగు బిగ్ బాస్ ద్వారా తెలుగు ప్రేక్షకులకు దగ్గరౌతానని బిగ్ బాస్ ఆటకు రెడీ అయ్యింది మోనాల్ గుజ్జార్.
2. సూర్య కిరణ్
సుబ్రమణి రాధాక్రిష్ణ (సూర్యకిరణ్) రైటర్‌గా చాలా సినిమాలకు పనిచేసి దర్శకుడిగా మారారు. సుమంత్ కెరియర్ బెస్ట్ మూవీ ‘సత్యం’ సినిమాకు దర్శకత్వం వహించిన ఈయన ధన 51, రాజు భాయ్ తదితర చిత్రాలకు దర్శకత్వం వహించిన సూర్య కిరణ్ బిగ్ బాస్ సీజన్ 4లో రెండో కంటెస్టెంట్‌గా అడుగుపెట్టారు.
3. యాంకర్ లాస్య..
సంథింగ్ స్పెషల్ అంటూ బుల్లితెర ప్రేక్షకులకు చీమ ఏనుగు జోకులతో నవ్వులు పుట్టించిన యాంకర్ లాస్య.. బిగ్ బాస్‌లో మూడో కంటెస్టెంట్‌గా ఎంట్రీ ఇచ్చింది. వచ్చీ రావడంతో ఎమోషనల్ టచ్ ఇచ్చిన ఆమె.. తన లవ్ స్టోరీతో పాటు లైఫ్ స్ట్రగుల్స్‌ని షేర్ చేసుకుంది. ఏ తల్లైనా బిడ్డకోసమే అని.. తాను బిగ్ బాస్‌లోకి రావడానికి తన బిడ్డ భవిష్యత్ కోసమే అంటూ ఎమోషనల్ అయ్యింది లాస్య.
4. అభిజిత్
శేఖర్ కమ్ముల దర్శకత్వంలో వచ్చిన లైఫ్ ఈజ్ బ్యూటిఫుల్ సినిమాతో అభిజిత్ టాలీవుడ్ ఎంట్రీ ఇచ్చారు. ఆ తరవాత మిర్చీలాంటి కుర్రాడు సినిమాతోనూ అలరించాడు. అనంతరం యుఎస్ వెళ్లిన ఇతగాడు ఇదిగో ఇప్పుడు మళ్లీ బిగ్ బాస్ హౌస్‌లో సందడి చేయబోతున్నాడు. ఇతను అఖిల్ చదివిన స్కూల్‌లోనే చదవడంతో పాటు.. అక్కినేని అమలతో కలిసి ‘లైఫ్ ఈజ్ బ్యూటిఫుల్’ సినిమాలో నటించారు. ఈ చిత్రంలో అభిజిత్‌కి తల్లిగా చేసింది అమల.
5. జోర్దార్ సుజాత
హెచ్ఎమ్‌టీవీ జోర్దార్ వార్తలతో పాపులర్ అయిన యాంకర్ సుజాత బిగ్ బాస్ సీజన్ 4లో సర్ ప్రైజ్ ఎంట్రీ ఇచ్చింది. తెలంగాణ యాస భాషల్లో అలరిస్తూ సందడి చేసింది సుజాత. నిరుపేద కుటుంబం నుంచి తాను ఇక్కడకు రావడం చాలా ఆనందంగా ఉందని ఎమోషన్ అయ్యింది యాంకర్ సుజాత.
6. మెహబూబ్ దిల్‌సే
యూట్యూబ్, టిక్ టాక్‌లతో తన డాన్స్ అండ్ యాక్టింగ్‌తో పాపులారటీ దక్కించుకుని సోషల్ మీడియాలో సంచలనంగా మారిన మెహబూబ్ దిల్‌సే బిగ్ బాస్ సీజన్ 4 ఆరో కంటెస్టెంట్‌గా ఎంట్రీ ఇచ్చారు. ఇన్ స్టాగ్రామ్‌లో ఇతనికి 240K ఫాలోవర్స్ ఉండటం విశేషం.
7. టీవీ 9 యాంకర్ దేవి
బ్రేకింగ్ న్యూస్‌కి కేరాఫ్ అడ్రస్‌గా ఉన్న టీవీ 9 యాంకర్ దేవి నాగవల్లి బిగ్ బాస్‌లో ఏడో కంటెస్టెంట్‌గా ఎంట్రీ ఇచ్చింది. చాలామందిని ఇంటర్వ్యూలను చేసి వారి వ్యక్తిగత విషయాలను బహిర్గత పరిచే దేవి.. బిగ్ బాస్ వేదికగా తన పర్సనల్ విషయాలను షేర్ చేసింది. తనది రాజమండ్రి అని.. టీవీ9లో గ్రాఫిక్స్ డిజైనర్‌కి ట్రై చేస్తే యాంకర్‌గా అవకాశం లభించిందని చెప్పింది. అయితే తనకు పెళ్లైందని.. యుఎస్ వెళ్లిన ఎనిమిది నెలలకే అక్కడ ఉండలేక వచ్చేశానని భర్తకు విడాకులు ఇచ్చేశానని చెప్పింది. తనకు ఐదేళ్ల బాబు ఉన్నాడని.. డబ్బు కోసమే ఈ షోకి వచ్చినట్టు చెప్పింది దేవి.
8. దేత్తడి హారిక
యూట్యూబ్‌లో ఇన్ స్టాగ్రామ్‌లో ఈమె హాట్ నెస్ చూసి ఏదో అనుకున్నారు కాని.. బిగ్ బాస్ వేదికగా మరింత వేడి పుట్టించి హాట్ పెర్ఫామెన్స్‌తో సెగలు రప్పించింది సోషల్ మీడియా సంచలన దేత్తడి హారిక. బిగ్ బాస్ సీజన్ 4లో ఎనిమిదో కంటెస్టెంట్‌గా ఎంట్రీ ఇచ్చిన ఈమె ఎంట్రీ సాంగ్‌‌‌తోనే అదరగొట్టేసింది. దేత్తడి అంటే అర్థం వివరిస్తూ నాగార్జున ముందు మెలికలు తిరిగేసింది హారిక. ఇక 1 మిలియన్ వ్యూస్.. 20 కోట్లు వ్యూస్ ఎలా వచ్చాయంటూ దేత్తడి హారిక రికార్డ్ చూసి ఆశ్చర్యపడ్డారు నాగ్.
9. సయ్యద్ సోహైల్
కొత్త బంగారు లోకం, డీ ఫర్ దోపిడీ, అంతకు ముందు ఆ తరువాత, యురేక సినిమాలతో నటించిన సయ్యద్ సోహైల్.. క్రిష్ణవేణి సీరియల్‌తో పాపులర్ అయ్యారు. చాలా ఏళ్లుగా ఇండస్ట్రీలో ఉన్నప్పటికీ బిగ్ బాస్ తనకు బ్రేక్ అంటున్నాడు సయ్యద్ సోహైల్.
10. అరియానా గ్లోరీ
వర్మ‌తో బోల్డ్ ఇంటర్వ్యూతో పాపులర్ అయిన యూట్యూబ్ యాంకర్ అరియానా గ్లోరీ.. బిగ్ బాస్ వేదికపై కూడా తన బోల్డ్ అవతారం మెరిసింది. ఆమెకు ఉన్న మల్టీ టాలెంట్ బయటపెట్టిన నాగ్.. నీ అసలు పేరే అరియానా గ్లోరీ కాదు కదా.. అసలు పేరేంటి అని అడగడంతో.. ఆ పేరు అంటే నాకు భయం.. చెప్పడం ఇష్టం లేదు.. ఆ పేరు మార్చుకున్న తరువాతే నాలైఫ్ టర్న్ అయ్యిందని చెప్పింది అరియానా గ్లోరి. ఇక సోహైల్‌తో కలిసి అరియానా గ్లోరీని సీక్రెట్ హౌస్‌కి పంపారు నాగ్. అక్కడకు వెళ్లిన తరువాత వీళ్లిదరూ ఓరేంజ్‌లో జీవించేశారు. అరియానా గ్లోరీ అత్యుత్సాహం ప్రదర్శిస్తూ కెమెరాముందు ఓవరాక్షన్ చేసేసింది.
11. అమ్మ రాజశేఖర్
గత సీజన్‌లో బాబా భాస్కర్ బిగ్ బాస్ హౌస్‌ని తన డాన్స్ పెర్ఫామెన్స్‌తో అల్లాడించగా.. ఈ సీజన్‌లో కొరియోగ్రాఫర్ రాజశేఖర్ 11వ కంటెస్టెంట్‌గా ఎంట్రీ ఇచ్చారు. రణం, టక్కరి, సాల్యూట్ సినిమాలతో దర్శకుడిగా మారిన ఈ యన ఈ మధ్య కాలంలో సినిమాలకు దూరంగా ఉంటూ బిగ్ బాస్‌లో సడెన్ ఎంట్రీ ఇచ్చారు. 16 ఏళ్లుగా సినిమా ఇండస్ట్రీలో ఉన్నప్పటికీ కొన్నాళ్లు రిలాక్స్ అవ్వాలని ఐదేళ్లు గ్యాప్ తీసుకున్నానని ఇప్పుడు బిగ్ బాస్ తో రీ ఎంట్రీ ఇస్తున్నట్టు తెలిపారు అమ్మా రాజశేఖర్.
12. కరాటే కళ్యాణి
అబ్బా బాబీ.. పిండేశావ్ అంటూ టాలీవుడ్‌లో బోల్డ్ నటిగా పేరొందిన కరాటే కళ్యాణి 12వ కంటెంస్టెంట్‌గా అడుగుపెట్టింది. బిగ్ బాస్‌లో ఉంటే నిన్ను నువ్వు అద్దంలో చూసుకుంటావ్ అంటూ చెప్పుకొచ్చిన ఈమె తన గతాన్ని బిగ్ బాస్ ఆడియన్స్ ముందు ఉంచింది. తనకు పెళ్లి కలిసి రాలేదని అందరూ మోసం చేశారని.. నన్ను వాడుకున్నారే తప్ప నన్ను నన్నుగా చూడలేదంటూ ఏడ్చేసింది. అయితే ఒక అనాధ బాబుని పెంచుకుంటున్నట్టు తెలిపింది కళ్యాణి. ఇక స్టేజ్ మీదికి వచ్చిన తరువాత తన టాలెంట్ చూపిస్తూ బిగ్ బాస్‌పై హరికథ చెప్పింది.
13. సింగర్ నోయల్
గత సీజన్ విన్నర్ రాహుల్ సిప్లిగంజ్ విజయంలో తన వంతు సాయం అందించిన ర్యాప్ సింగర్ నోయల్ ఈసారి బిగ్ బాస్ హౌస్‌లో 13వ కంటెస్టెంట్‌గా అడుగుపెట్టాడు. మంచి ర్యాప్ సాంగ్‌తో ఎంట్రీ ఇచ్చిన నోయల్ తన వ్యక్తిత్వం ఏంటో బిగ్ బాస్ వేదికగా తన ఫ్యామిలీ, ఫ్రెండ్ చూసే అవకాశం ఉందని అన్నారు నోయల్. ఎప్పటి నుంచో బిగ్ బాస్‌కి వద్దాం అనుకున్నప్పటికీ కుదర్లేదని ఈసారి తన పరిస్థితిని బట్టి ఈ టైంలో రావడం కరెక్ట్ అనిపించి వచ్చానని చెప్పాడు నోయల్. ఇక బిగ్ బాస్ హౌస్‌లోకి ఎంట్రీ ఇచ్చిన నోయల్‌ని చూసి.. అబ్బా.. బాబీ పిండేశావ్ అంటూ స్వాగతం పలికింది కరాటే కళ్యాణి.
14. దివి
పలు వెబ్ సిరీస్‌లతో పాటు.. మహర్షి చిత్రంలో మెరిసిన దివి బిగ్ బాస్ సీజన్ 4లో 14 కంటెస్టెంట్‌గా హాట్ పెర్ఫామెన్స్ ఇచ్చింది. నాభి సోయగాలకు కుర్రకారుకి గాలం వేస్తూ హస్కీ వాయిస్‌తో అదరగొట్టేసింది. సెలబ్రిటీలు అయ్యాక బిగ్ బాస్‌కి వస్తారని.. అయితే ఈ బిగ్ బాస్‌తో సెలబ్రిటీ హోదా దక్కించుకుటానని చెప్పింది దివి. తన లైఫ్ బెస్ట్ మూమెంట్ ఇదే అంటూ నాగార్జునని చూసి మెలికలు తిరిగింది దివి.
15. అఖిల్ సార్థక్
టీవీ రంగంలో హైదరాబాద్ టైమ్స్ మోస్ట్ డిజైరబుల్ మెన్ ఆఫ్ తెలుగుగా ఎంపికైన టీవీ నటుడు అఖిల్ సార్ధక్.. బిగ్ బాస్ సీజన్ 4లో 15 కంటెస్టెంట్‌గా పవర్ ఫుల్ పెర్పామెన్స్ ఇచ్చాడు. మోహిని, ఎవరే నువ్వు, బంగారు గాజులు సీరియల్స్‌లో పాపులర్ అయిన అఖిల్ సార్థక్.. తను ఈ పేరు పెట్టుకోవడానికి సిసింద్రీ సినిమానే కారణం అని.. ఆ సినిమా విడుదల తరువాతే రోజునే తాను పుట్టడంతో ఆ పేరు పెట్టారని చెప్పాడు అఖిల్. బిగ్ బాస్‌లో టాప్ 2లో తాను ఉండటం ఖాయమని.. తనలాగే తాను ఉంటే టాప్‌కి వెళ్లడం ఖాయమని అలాగే ఉంటానని చెప్పాడు అఖిల్.
16. గంగవ్వ
ఇక పైన తెలిపిన 15 మంది కంటెస్టెంట్లు ఓ లెక్క.. ఈ 16వ కంటెస్టెంట్ మరో లెక్క అన్నట్టుగా బిగ్ బాస్ సీజన్ 4లో ఎంట్రీ ఇచ్చింది యూట్యూబ్ సంచలనం గంగవ్వ. వాళ్లంతా కెమెరాల కోసం, డబ్బు కోసం.. నటిస్తుంటే మనసులో నుంచి వచ్చిన మాటలతో స్వచ్ఛమైన మనసుతో మాట్లాడింది గంగవ్వ. తన లైఫ్ స్టగుల్స్‌ని పూసగుచ్చినట్టు చెప్పుకొచ్చిన గంగవ్వ. ఎవరు గెలుస్తారో ఏమో మనం ఎలా చెప్తాం.. నేనెక్కడ గెలుస్తా సారూ అంటూ స్పెషల్ ఎంట్రీ ఇచ్చింది.