బాలీవుడ్ యువ హీరో సుశాంత్ మృతితో బాలీవుడ్ నెపోటిజంపై విమర్శలు గుప్పుమన్న విషయం తెలిసిందే. అనేకమంది సెలబ్రిటీలపై నెటిజన్లు ఆరోపణలు చేసిన సంగతి కూడా తెలిసిందే. ముఖ్యంగా ఆలియా భట్ గతంలో సుశాంత్ పై చేసిన కామెంట్లు కూడా ఈ సందర్భంగా సోషల్ మీడియాలో వైరల్ అయ్యాయి. దీంతో సుశాంత్ మృతి వెనుక ఆలియా భట్ ప్రమేయం కూడా ఎక్కువగా ఉందనే వాదన వినిపిస్తోన్న నేపథ్యంలో ఆలియా భట్‌పై సోషల్ మీడియా వేదికగా నెటిజన్లు మండిపడ్డారు. తాజాగా నెటిజన్లలో కొందరు ఆమెపై బెదిరింపులకు దిగారు. వీటిపై అలియా భట్ సైలెంట్ గా ఉన్నా ఆమె సోదరి షహీన్ భట్ మాత్రం ఊరుకోలేదు. ఆ బెదిరింపులుకు చెందిన స్క్రీన్ షాట్స్ తీసి ఇనిస్ట్రగ్రమ్ లో పోస్ట్ చేసింది. వారిపై లీగల్ గా కేసులు పెడతామని చెప్పుకొచ్చింది. మరోవైపు ఇప్పటికే సోషల్ మీడియాలో ఆలియా భట్‌కు ఫాలోవర్ భారీగా తగ్గిపోయారు. భారీ ఫాలోయింగ్ ఉన్న ఆలియా భట్‌కు నెటిజన్లు షాక్ ఇచ్చారు. సుశాంత్ మృతి తర్వాత ఆమెను దాదాపు 5 లక్షల మంది అన్ ఫాలో చేశారు. ఆలియా తెలుగులో ఆర్ఆర్ఆర్ మూవీలో నటిస్తున్న సంగతి తెలిసిందే. అయితే కరోనా వైరస్ కారణంగా సినిమా షూటింగ్‌లో ఇప్పట్లో పాల్గొనలేననని ఆలియా చెప్పేసింది. మరోవైపు బాలీవుడ్‌లో ప్రముఖ దర్శకుడు సంజయ్ లీలా భన్సాలీ సంజయ్ లీలా చిత్రంలో ఆలియా లీడ్ పాత్ర చేస్తోంది. సంజయ్ లీలా భన్సాలీ దర్వకత్వంలో “గంగు భాయ్ కతియవాది” అనే రియల్ లైఫ్ బయో పిక్ చిత్రాన్ని ప్రతిష్టాత్మికంగా తెరకెక్కిస్తున్నారు. ఇప్పటికే షూటింగ్ ను కూడా ప్రారంభించిన ఈ చిత్రం లాక్ డౌన్ వలన నిలిచిపోయింది. ఈ సినిమాను ముంబయి రెడ్ లైట్ ఏరియాలో కామాటిపురాకు సంబంధించిన కథతో తెరకెక్కిస్తున్నారు.
ఆలియా భట్ కు రేప్ బెదిరింపులు… లీగల్ యాక్షన్ తీసుకుంటామంటూ షహీన్ భట్ వార్నింగ్
ఆర్టికల్ 370 అప్రజాస్వామికం అంటున్న విజయ్ సేతుపతి