నందమూరి బాలకృష్ణ టైటిల్ రోల్ పోషించిన ఎన్టీఆర్ బయోపిక్ సిరీస్ డిజాస్టర్ కావడం అప్పట్లో హాట్ టాపిక్. అయితే ఇప్పుడు మరోసారి ఈ సినిమా వార్తల్లో నిలిచింది. దీనికి కారణం దర్శకుడు దేవా కట్ట. ఎన్టీఆర్ బయోపిక్ ఐడియా తనదేనని అంటున్నారాయన. తన ఐడియాను నిర్మాత విష్ణు వర్ధన్ ఇండూరి దొంగిలించారని ఆరోపిస్తున్నారు. నిజానికి వీరిద్దరి మధ్య ఇప్పుడు ఈ ఎన్టీఆర్ బయోపిక్ ప్రస్తావన రావడానికి కారణం ఉంది. విష్ణు ఇండూరి ప్రస్తుతం చంద్రబాబు నాయుడు, వైఎస్ రాజశేఖర్ రెడ్డి స్నేహం, వైరం ఆధారంగా వెబ్ సిరీస్ను నిర్మించే ఆలోచనలో ఉన్నారు. ఈ కథ కూడా తనదేనని దేవాకట్ట ఆరోపిస్తున్నారు. మరోసారి తన స్క్రిప్ట్ను విష్ణు దొంగతనం చేశారని చెబుతున్నారు. ఒకవేళ ఈ వెబ్ సిరీస్ తీస్తే తాను న్యాయపరమైన చర్యలు తీసుకుంటానని హెచ్చరిస్తున్నారు.
అయితే నిర్మాత విష్ణు వర్ధన్ ఇండూరి కూడా ఎక్కడా తగ్గడం లేదు. దేవా కట్టకు స్ట్రాంగ్ కౌంటర్ ఇచ్చారు. వీరిద్దరి మధ్య ట్విట్టర్లో వార్ గట్టిగానే నడిచింది. 2015 డిసెంబర్లో విష్ణుతో ఎన్టీఆర్ బయోపిక్ గురించి చర్చించానని, తన ఐడియాను కాపీ కొట్టి ఒక డిజాస్టర్ మూవీ తీశారని దేవా కట్ట ఆరోపించారు. దీనికి విష్ణు స్పందిస్తూ.. ‘‘అందరికీ దీని గురించి వివరణ ఇవ్వాలని అనుకుంటున్నాను. ఓ రీమేక్ కోసం డిసెంబర్ 2015లో నేను దేవా కట్టను కలిశాను. అప్పుడే ఎన్టీఆర్ బయోపిక్ ఐడియాను బేసిక్ స్క్రీన్ప్లేతో ఆయనకు నెరేట్ చేశాను. నా ఐడియా ఆయనికి నచ్చింది. ఆ తరవాత ఎన్టీఆర్ బయోపిక్ గురించి అతను నాకు అస్సలు ఏమీ నెరేట్ చేయలేదు’’ అని పేర్కొన్నారు. విష్ణు వివరణపై దేవా కట్ట కూడా వెంటనే రిప్లై ఇచ్చారు. ‘‘మై డియర్ ఫ్రెండ్.. 2015లో మనం మొదటిసారి కలిసి నేను బయోపిక్ ఐడియా గురించి చెప్పినప్పుడు మనతో పాటు ఒక సాక్షి కూడా ఉన్నారు. బహుశా మీరు మరిచిపోయి ఉండొచ్చు. మీ అబద్దాల గురించి ఇండస్ట్రీలో చాలా మంది చెబుతుంటారు. కాబట్టి, దీన్ని పెద్దగా పట్టించుకోకండి’’ అని సెటైరిక్గా కామెంట్ చేశారు దేవా కట్ట. దేవా కట్ట కామెంట్కు విష్ణు ఇండూరి కూడా స్పందించారు. ‘‘ఒక రీమేక్ సినిమా మీద పని చేయడం గురించి మాత్రమే మనం ఒక్కసారి కలిసినట్టు నాకు గుర్తుంది. ఆ మీటింగ్లో ఎన్టీఆర్ బయోపిక్ ఐడియాను నీకు నేను నెరేట్ చేశాను. నువ్వు ఒక్క సీన్ కూడా నాకు నెరేట్ చేయలేదు. కానీ, నేను సుమారు 40 సన్నివేశాలు నీకు నెరేట్ చేశాను’’ అని విష్ణు కౌంటర్ ఇచ్చారు. దీనికి మాత్రం దేవా కట్ట స్పందించలేదు. మొత్తం మీద ఎన్టీఆర్ బయోపిక్ ఆలోచన మొదట దేవా కట్ట, విష్ణు మధ్య చర్చకు వచ్చిందని అర్థమైంది.
My dear friend I think you forgot there was also a witness when I pitched the biopic idea to u in our first meeting itself in 2015!! There are many more in the industry to speak for ur lies, so take it easy don’t try too hard!! 😀
— deva katta (@devakatta) August 11, 2020
I would like to clear it once and for all. I met Deva katta for a Remake I selected in December 2015, I also narrated the idea of NTR Biopic to him with basic screenplay. He liked My idea of NTR and I would like to clear that he never narrated any thing to me about NTR Biopic. https://t.co/R8rlxuRJDm
— Vishnu Vardhan Induri (@vishinduri) August 11, 2020
10 వారాల పాటు హౌస్ లోనే గంగవ్వ… కౌశల్ ఆసక్తికర వ్యాఖ్యలు