నాగార్జునకు వివాహ వార్షికోత్సవ శుభాకాంక్షలు : అమల

ప్రముఖ నటుడు అక్కినేని నాగార్జున, అక్కినేని అమల వివాహ దినోత్సవం నేడు. ఈ నేపథ్యంలో అక్కినేని అమల ట్విట్టర్ లో స్పందిస్తూ “నా ప్రేమ, సర్వస్వం అయిన అక్కినేని నాగార్జునకు వివాహ వార్షికోత్సవ శుభాకాంక్షలు. నాకు వస్తున్న అభినందనలతో ఉబ్బితబ్బిబ్బవుతున్నా. అభిమానులు, శ్రేయోభిలాషులందరికీ ధన్యవాదాలు” అని అమల ట్వీట్ చేశారు. అక్కినేని నాగార్జున, అమల 1992, జూన్ 11న వివాహం చేసుకున్నారు. ఈ దంపతుల వివాహ వార్షికోత్సవం సందర్భంగా సోషల్ మీడియాలో వారి పెళ్ళికి సంబంధించిన ఫోటోలు వైరల్ అవుతున్నాయి.