బెల్లంకొండ శ్రీనివాస్ టాలీవుడ్ లోకి హీరోగా అల్లుడు శ్రీను సినిమాతో పరిచయమైనా విషయం తెలిసిందే. తన మొదటి సినిమా నుంచే గొప్ప నటనతో ప్రేక్షకులను ఆకట్టుకుంటున్నాడు. తనదైన కథల ఎంపికతో తెలుగు చిత్ర సీమలో ప్రత్యేక గుర్తింపు తెచ్చుకున్నాడు. ప్రస్తుతం ఈ హీరో అల్లుడు అదుర్స్ అనే సినిమాలో నటిస్తున్నాడు. ఈ సినిమాలో రియల్ హీరో బిరుదు అందుకున్న సోనూ సూద్ కూడా కనపించనున్నాడు. ఈ సినిమా సంతోష్ శ్రీనివాస్ దర్శకత్వంలో రూపొందుతోంది. ఈ చిత్రంలో శ్రీనివాస్ సరసన నభా నటేష్, అను ఇమాన్యుయల్ నటిస్తుండగా, జాతీయ స్తాయి నటుడు ప్రకాష్ రాజ్ కీలక పాత్రలో కనిపించనున్నాడు. ఈ చిత్ర బృందం న్యూఇయర్‌ గిఫ్ట్‌గా తమ అభిమానులకు ఓ సరికొత్త అప్‌డేట్ అందించింది. సోనూ సూద్, శ్రీనివాస్ ఇద్దరు అల్లుడు అదుర్స్ టైటిల్‌కు చెరోపక్క నిలిబడి ఉన్న పోస్టర్‌ను విడుదల చేసింది. ఈ పోస్టర్‌లో హీరో స్టైల్‌గా ఉన్నాడు. అంతేకాకుండా జనవరీ 15న సినిమా విడుదల కానున్నట్లు కూడా తెలిపారు. ఈ సినిమాపై అభిమానుల అంచనాలు బాగానే ఉన్నాయి. చూడాలి మరి సినిమా ఆ అంచనాలను అందుకుంటుందా… వారిని మెప్పిస్తుందా… లేదా అనేది.
అల్లుడు అదుర్స్ నుండి కొత్త ఏడాది గిఫ్ట్…
